నందమూరి బాలకృష్ణ, శృతిహాసన్ కలిసి నటిస్తున్న సినిమా NBK 107 షూటింగ్ జరుగుతుంది. కంటిన్యూగా జరుగుతున్న ఈ షూటింగ్కి కరోనా బ్రేక్ వేసింది. బాలకృష్ణకి కరోనా సోకడంతో చిత్రీకరణకు విరామం వచ్చింది. ఇటీవల బాలయ్య ‘అఖండ’ సినిమాతో వెండితెర మీద, ‘అన్ స్టాపబుల్’ షోతో బుల్లితెర మీద బాగా సక్సెస్ అయ్యాడు. అలానే క్రాక్తో హిట్ అందుకున్న మలినేని గోపి డైరెక్షన్లో NBK 107 రావడం, మైథిలి మూవీస్ లాంటి గొప్ప బ్యానర్లో ఈ సినిమా రావడం బాలయ్యకు ఇంకో ప్లస్ పాయింట్ అయింది.
నరసింహ నాయుడు సెంటిమెంట్
ఇప్పటికే రిలీజ్ అయిన టీజర్ చూసి ప్రేక్షకులు ఇంకాస్త ఎక్కువ నమ్మకం పెట్టుకుంటున్నారు. ఈ సినిమాలో ఒక ఇంట్రెస్టింగ్ విషయం ఏంటంటే, బాలయ్య నటించిన నరసింహనాయుడు సినిమా సెంటిమెంట్ ఈ సినిమాలో వాడుతున్నారు. అలానే నరసింహనాయుడు సినిమా ఇంటర్వెల్ ముందు వచ్చే చేజింగ్ సీన్ల కోసం వాడిన లొకేషన్ లోనే ప్రస్తుతం బాలయ్య కొత్త ప్రాజెక్టులో వాడుతున్నారు. ఒకప్పుడు నరసింహనాయుడు సినిమా హిట్ అవ్వటానికి ఒకరకంగా ఆ చేజింగ్ సీన్స్ కారణం. నరసింహనాయుడు సినిమా దర్శకుడు గోపాల్ అలాంటి లోకేషన్ లను ఎంచుకోవడమే సూపర్. అయితే ప్రస్తుతం 107 సినిమా కూడా సేమ్ అదే లోకేషన్ ని ఎంచుకోవడం అనేది ఇంట్రెస్టింగ్ మారింది.
మూవీ హిట్
సినిమాలో తమిళ హీరోయిన్ వరలక్ష్మి శరత్ కుమార్ కీలకపాత్ర పోషిస్తున్నారు. బాలయ్య డ్యూయల్ రోల్ లో అలరించబోతున్నాడు. ఈ సినిమాలో కన్నడ నటుడు దునియా విజయ్ విలన్ పాత్రలో నటిస్తున్నాడు. ఈ సినిమాను దసరా లేదా డిసెంబర్లో విడుదల చేయడానికి ప్రయత్నాలు నడుస్తున్నాయి. ఈ సినిమా అనంతరం బాలయ్య అనిల్ రావిపూడి డైరెక్షన్లో ఇంకో సినిమాలో నటించబోతున్నాడు.