Handwash :నిమ్మకాయ లోనే కాదు.. నిమ్మ ఆకుల్లోనూ ఎన్నో ఔషధ గుణాలు దాగి వున్నాయి. మానసికం గా ఆందోళన చెందుతున్నవారు… నిమ్మ ఆకులను నలిపి, ఆ వాసన పిలిస్తే ఒత్తిడి తగ్గడం తో పాటు ఉత్సహాం గా కూడా ఉండే అవకాశం ఉంది. గ్లాసు వేడి నీటి లోనాలుగు తాజా నిమ్మ ఆకులను వేసి మూడు గంటలు నా నాబెట్టి తాగితే.. నిద్రలేమి సమస్య, గుండె దడ, నరాల బలహీనత వంటి సమస్యల నుండి బయట పడవచ్చు. అయితే వీటిని మరిగించకూడదు. కేవలం వేడి నీటి లో వేసి నానాబెట్టాలి. ఇందులో యాంటీ బ్యాక్టీరియా గుణాలు ఉండడం వలన బ్యూటీ ప్రొడక్ట్స్ తయారీలో కూడా వీటిని వాడుతుంటారు.
గుప్పెడు నిమ్మ ఆకుల్ని తీసుకుని వేడినీటిలో వేసి ఆ నీటి ని రాత్రి పడుకునే ముందునెలరోజులు పాటు తాగుతూ ఉంటే, మైగ్రేన్ తలనొప్పి, ఆస్మా వంటివి మాయమవుతాయి. నిమ్మ ఆకులను మెత్తని పేస్టుగా చేసి దానికి కొంచెం తేనే కలిపి ఫేస్ ప్యాక్ గా వాడితే, ముఖం మీద ఉన్న మచ్చలు, మొటిమ లను తగ్గిస్తుంది. నిమ్మ ఆకులను మెత్తగా నూరి పళ్ల కుపట్టించడం వలన నోటి దుర్వాసనతగ్గిపోతుంది . అంతేకాకుండా పళ్ళ లో ఉండే బ్యాక్టీరియా ను కూడానాశనం చేసి దంతాలు ఆరోగ్యంగా ఉండేలా చేస్తుంది.
స్నానం చేసే నీటి లో నిమ్మ ఆకులను వేసుకోని స్నానం చేస్తే,అలసటను తగ్గించి హాయిగా ఉండడం తో పాటు చర్మ సమస్యలు కూడా తగ్గు తాయి. నిమ్మ ఆకులను హ్యాండ్ వాష్ లా కూడా వాడుకోవచ్చు. ఆకుల్ని నలిపి చేతులకు రాసుకుంటే బాక్టీరియా నశిస్తుందని ఆయుర్వేద నిపుణులు తెలియచేస్తున్నారు.