Nayanthara: షారుఖ్ ఆ నిర్ణయమే తీసుకోకపోతే.. నయనతార హనీమూన్ ఎంజాయ్ చేయలేకపోయేదా..?

Nayanthara: నయనతార తన ప్రియుడు విగ్నేష్ శివవ్‌ని పెళ్లాడిన సంగతి మనందరికీ తెలిసిందే. అయితే పెళ్లయిన కొద్ది రోజుల తర్వాత ఈ నూతన జంట హనీమూన్ ట్రిప్పుకి వెళ్లిపోయారు. ఈ ట్రిప్ కు సంబంధించిన ఫొటోలు, వీడియోలను కొత్త పెళ్లికూతురు తన అభిమానులతో ఎప్పటికప్పుడు సోషల్ మీడియాలో పంచుకుంది. భర్తతో రొమాంటిక్ గా దిగిన నయనతార ఫొటోలు షేర్ చేసిన వెంటనే వైరల్ అయ్యాయి. ఆ ఫొటోలలో ఈ జంట రొమాంటిక్ గా కనిపించగా అభిమానులు ఫిదా అయ్యారు.

Nayanthara: నయనతారకి బాద్షా బ్రేక్

జవాన్ సినిమా షూటింగ్ లో వెంటనే జాయిన్ అయిపోవాల్సి ఉన్నా నయనతార తన హనీమూన్ ట్రిప్ ని ఎక్కువ రోజులు ఎంజాయ్ చేయగలిగింది. ఇందుకు కారణం షారుఖ్ అని చెప్పవచ్చు. తన హనీమూన్‌ను హాయిగా ఎంజాయ్ చేయమని నయనతారకు షారుఖ్ ఖాన్ బ్రేక్ ఇచ్చాడు. అయితే ఆ బ్రేక్‌లో ఈ నటి తన హనీమూన్ పూర్తిగా ఆస్వాదించి షారుఖ్ సినిమా షూటింగులో తాజాగా జాయిన్ అయిపోయింది. షారుఖ్ ఖాన్‌తో కలిసి జవాన్ అనే సినిమాలో నయనతార నటించేందుకు కమిట్ అయిన విషయం తెలిసిందే. అందుకే ఈ లేడీ సూపర్ స్టార్ హనీమూన్ పూర్తి చేయగానే ‘జవాన్’ సినిమా షూటింగ్‌లో జాయిన్ అయి ఇప్పుడు బిజీ అయిపోయింది. నిజానికి ఈ సినిమా షూటింగ్ ఎప్పుడో ప్రారంభం కావాల్సి ఉంది కానీ నయనతార హనీమూన్ ట్రిప్ కోసం షారుఖ్ తన డేట్స్‌ను అడ్జస్ట్ చేశాడు.

నయనతారకి ఎంతో గౌరవం

జవాన్ షూటింగ్ త్వరగా కంప్లీట్ చేయాలనుకున్న షారుఖ్ ఖాన్ నయనతార కోసమే కొంచెం బ్రేక్ ఇచ్చాడు. షారుఖ్ ఇదివరకు ఎప్పుడూ ఒక సౌత్ అగ్ర హీరోయిన్‌తో నటించలేదు. మొదటిసారిగా నయనతార లాంటి క్రేజీ హీరోయిన్‌తో నటించబోతున్నాడు. షారుఖ్ ఒక సీనియర్ హీరోయిన్ గా నయనతారకి ఎంతో గౌరవం ఇస్తున్నాడు. షారుక్ ఖాన్ తనకిచ్చిన గౌరవాన్ని దృష్టిలో పెట్టుకొని నయనతార కూడా హనీమూన్ ట్రిప్‌ని ఎంజాయ్ చేసిన వెంటనే షూటింగులో జాయిన్ అయిపోయింది. ఈ కొత్త జంట థాయిలాండ్‌లో హనీమూన్‌ను ఆస్వాదించి తిరిగి ఆదివారం నాడు భారత్‌కు వచ్చేసారు. ప్రస్తుతం నయనతార ముంబైలో జవాన్ షూటింగ్‌లో బిజీగా ఉంది. జవాన్ సినిమాతో పాటు నయనతార ఇంకొన్ని సినిమాల్లో కనిపించబోతుంది. దానికి సంబంధించి అప్‌డేట్స్ తెలియాల్సి ఉంది.