ప్రతి సంవత్సరం జనవరి ఒకటో తేదీ అనేది మనం చాలా స్పెషల్ గా చూస్తుంటాం. మరి ఆ రోజు బిడ్డలకు జన్మనిస్తే? ప్రతి సంవత్సరం ఆ రోజున డెలివరీ కోసం చాలా క్యూ ఉంటుందట. ఎందుకంటే కొత్త ఏడాది రోజున పుట్టామని పిల్లలు గర్వంగా చెప్పుకుంటారు. ఆ రోజున డెలివరీ కావాలని చాలా మంది గర్భిణిలు ఆశపడుతుంటారట. ఆ సమయానికి సాధారణ కాన్పు జరగకపోయినప్పటికీ సీజేరియన్ చేసుకునేందుకు కూడా కొందరు వెనుకాడరు. భార్యాభర్తలు ఆ రోజే పిల్లల్ని కనాలనే లక్ష్యంతో ముందు నుంచే ప్లానింగ్ కూడా చేసుకున్న సందర్భాలు కూడా ఉన్నాయి.
యునిసెఫ్ ప్రకారం జనవరి 1, 2021 వ తేదీన ప్రపంచ వ్యాప్తంగా 3.7 కోట్ల మంది జన్మించనున్నారట. ఈ నివేదికలో భారతదేశంలో 60 వేల మంది శిశువులు పుట్టే అవకాశం ఉందని పేర్కొంది. 2021 ఏడాదిలో ఫిజి దేశం తొలి బిడ్డకు స్వాగతం పలికే అవకాశం ఉందని చివరగా అమెరికా ఉండొచ్చని పేర్కొంది.
ప్రపంచ వ్యాప్తంగా పది దేశాలను చూస్తే ఇండియాలో 59995 మంది శిశువులు చైనాలో 35615 నైజీరియాలో 21439 పాకిస్తాన్ లో 14161 ఇండోనేషియాలో 12336 ఇథియోపియాలో 12006 అమెరికాలో 10312 ఈజిప్టులో 9455 బంగ్లాదేశ్లో 9236 కాంగోలో 8640 మంది శిశువులు జన్మించనున్నారట. ఇక 2021 సంవత్సరం మొత్తంలో ఏకంగా 140 మిలియన్ల పిల్లలు పుట్టనున్నారని యునిసెఫ్ అంచనా వేసింది. అలాగే, వారి సగటు జీవిత కాలం కూడా 84 సంవత్సరాలు ఉండొచ్చు అని తెలిపింది.
