Masaba Gupta Marriage: ప్రముఖ ఇండియన్ నటి నీనా గుప్త, వెస్టిండీస్ క్రికెటర్ వివియన్ రీచర్డ్స్ కూతురు.. ఫ్యాషన్ డిజైనర్, నటి మాసాబా గుప్తా, నటుడు సత్యదీప్ మిశ్రా మూడుముళ్ల బంధంతో ఒకటయ్యారు.. ఈ సందర్భంగా మొదటిసారిగా కుటుంబం మొత్తం కలిసి ఫోటోలలో కనిపించారు.. మాసాబా గుప్తా, సత్యదీప్ మిశ్రా గత కొంత కాలంలో రిలేషన్ లో ఉన్నారు. వీరిద్దరికి ఇది రెండో పెళ్లి.. జనవరి 27న సింపుల్ కోర్ట్ వెడ్డింగ్ స్టైల్లో వివాహం చేసుకున్నారు. ఈ వివాహానికి కుటుంబ సభ్యులు సన్నిహితులు మాత్రమే హాజరయ్యారు.. వీరి పెళ్లి ఫోటోలు సోషల్ మీడియాలో వైరల్ అవుతున్నాయి..
తమ వివాహానికి సంబంధించిన ఫోటోలను మాసాబా గుప్తా తన సోషల్ మీడియా ద్వారా పంచుకున్నారు. కొన్ని అందమైన ఫోటోలను పోస్ట్ చేశారు.. నా ప్రశాంత సాగరంతో వివాహమైంది.. జీవిత కాలానికి సరిపడా ప్రేమ, ప్రశాంతత , నిలకడ లభిస్తుందని.. అన్నిటికంటే ముఖ్యంగా మా జీవితాల్లో నవ్వులు పూయించే గట్టం ఆవిష్కృతమైందని ఆమె రాసుకోచ్చారు..
సోషల్ మీడియాలో కనిపించిన అనేక ఫోటోలలో రిచర్డ్స్ మసాబా వివాహానికి చాలా ప్రత్యేకమైన లుక్ తో హాజరయ్యారు. ఎంతో సింపుల్ గా ఫ్లోరల్ డిజైన్ చొక్కా ధరించి ఈ వేడుకలో కనిపించారు. తన కూతురితో పోర్ట్రెయిట్ కి పోజులిస్తూ క్రికెటర్ రిచర్డ్స్ నవ్వుతూ కనిపించారు. అతను మసాబా- సత్యదీప్- నీనా గుప్తా.. ఆమె భర్త వివేక్ మెహ్రాతో కలిసి ఒక గ్రూప్ ఫోటోకి కూడా పోజులిచ్చారు.
హీరోయిన్స్ ఇండియన్ క్రికెటర్ల మధ్య చాలా ప్రేమ వ్యవహారాలు చూసి ఉండొచ్చు.. కానీ నీనా గుప్తా వెస్టిండీస్ వెటరన్ క్రికెటర్ వివియన్ రిచర్డ్స్ తో ప్రేమాయణం గుట్టు చప్పుడు కాకుండా సాగింది. నీనా గుప్తా పరిశ్రమలో బాహాటంగా మాట్లాడే బోల్డ్ నటిగా అప్పట్లో బాగా పాపులర్. డ్యాషింగ్ పెర్ఫామర్ గా తన అద్భుతమైన నటనతో పరిశ్రమపై తనదైన ముద్ర వేసుకుంది. ఆమె వివియన్ తో ప్రేమలో పడినప్పుడు భారతీయ మీడియాకి మాత్రమే కాదు.. విదేశీ మీడియాకి కూడా దానిని కవర్ చేయడానికి అవకాశం ఇవ్వలేదు.
మాసాబా గుప్తా 2015 వ సంవత్సరంలో సినీ నిర్మాత మధు మంతెనా వర్మ పెళ్లి చేసుకున్నారు. కాగా 2019లో వీళ్ళిద్దరూ విడిపోయారు. నటుడు సత్యదీప్ మిశ్రా కీ కూడా ఇది రెండవ వివాహం. ఈయన 2009లో నటి అదితీరావు హైదరిని పెళ్లి చేసుకున్నారు. వీళ్ళిద్దరూ 2013 సంవత్సరంలో విడాకులు తీసుకున్నారు.