Ram Gopal Varma: రామ్ గోపాల్ వర్మ Ram Gopal Varma ఈ పేరే ఓ సెన్సేషన్. 1989లో శివతో మొదలు తెలుగు, హిందీ భాషల్లో చేయని ప్రయోగం లేదు.. చూడని సక్సెస్ లేదు. టేకింగ్ కు కొత్త అర్ధం ఇచ్చాడు. ఇంతటి క్రియేటివిటీ ఉన్న దర్శకుడు భారతీయ సినిమాకు దొరకడం.. అదీ తెలుగు నుంచి వెళ్లడం మరీ గర్వకారణం. అయితే.. రక్తచరిత్ర సినిమా తర్వాత ఆర్జీవీ క్రియేటివీటీ లెవల్స్ తగ్గాయి. కానీ.. నిత్యం వార్తల్లో ఉండటం.. తనకు తాను ఓ కాంట్రవర్శీ క్రియేటర్ కావడం కూడా మరెవరూ చేయలేనిది. తనకు సెంటిమెంట్స్ పడవు. రియలిస్టిక్ పర్సన్. అటువంటి వర్మ తొలిసారి కాస్త ఎమోషన్ అయ్యాడు. తన కజిన్, దర్శకుడు సోమశేఖర్ ఇటివల హైదరాబాద్ లో కరోనా ఎఫెక్ట్ తో చనిపోయారు.
సోమశేఖర్ మృతి నాకు తీరని లోటు. సినిమాలు వదిలి వేరే బిజినెస్ లోకి వెళ్లిపోవడం వల్ల ఈమధ్య కలవలేదు. నా జీవితంలో ప్రముఖ పాత్ర పోషించాడు శేఖర్. రెస్ట్ ఇన్ పీస్’ అంటూ ట్వీట్ చేశాడు. ఈ తరహా మెసేజ్ ఆర్జీవీ నుంచి రావడం విశేషమే. ‘నా కూతురు హైదరాబాద్ లో నెల రోజులు ఉంటేనే 10 నిమిషాలు కలిసి మాట్లాడాను.. మనవరాలని చూడలేదు.. నాకు సెంటిమెంట్స్ ఉండవు.. ప్రపంచం ఏమైపోయినా నాకు అనవసరం..’ అని పలు ఇంటర్వ్యూల్లో చెప్పాడు. మరో ఇంటర్వ్యూలో.. ‘చనిపోయిన వారి ఆత్మలు ప్రశాంతంగానే ఉంటాయి.. కొత్తగా “రిప్” అని ఎందుకు పెట్టాలి. వీళ్లు రిప్ అంటే ఆత్మలు డ్యాన్సులు చేస్తాయా’ అని ప్రశ్నించాడు.
Read More: Raai Lakshmi: కిల్లర్ లుక్ లో షాకిస్తున్న రత్తాలు..!
ఇటివల పవన్ కల్యాన్ కోవిడ్ కు గురై వార్త వస్తే.. ఇలా కూడా ఫొటోలు పెట్టుకుంటారా? అని కామెంట్ చేశాడు. కానీ.. ఇప్పుడు తన కజిన్ చనిపోతే మాత్రం ‘రిప’ అనే మెసేజ్ చేశాడు. దీంతో నెటిజన్లు రాముని ఓ ఆట ఆడుకుంటున్నారు. నీవరకూ వస్తే ఏదైనా చేస్తావు.. లేదంటే ఇష్టం వచ్చినట్టు కామెంట్లు చేస్తావు అని. అయితే.. ఆర్జీవీ రెండు నాల్కల ధోరణి తెలిసిన వారు ఇదంతా కమనేగా అని కొట్టిపారేస్తున్నారు. సోమశేఖర్ రంగీలా, దౌడ్, సత్య, జంగిల్ వంటి సినిమాలకు ప్రొడక్షన్ మేనేజర్ గా చేశారు. హిందీలో ‘ముస్కురాకే దేఖ్ జరా’ అనే సినిమాకు దర్శకత్వం కూడా వహించారు. ఆయన మృతిపై బోనీ కపూర్, జేడీ చక్రవర్తి విచారం వ్యక్తం చేశారు.