బిగ్ బాస్ సీజన్ ఫోర్ టైటిల్ విన్నర్ అభిజిత్ క్రేజ్ బయట మామూలుగా లేదు. హౌస్ లో ఉన్నంత కాలం చాలా సైలెంట్ గా ఉంటూ తన పని తాను చూసుకుంటూ ఫుల్ ఫోకస్ మైండ్ తో ఆట ఆడి చాలా మందిని మెప్పించి టైటిల్ ని గెలవడం జరిగింది. సామాన్య ఆడియన్స్ ని మాత్రమేకాక..చాలా మంది సెలబ్రిటీలను తన గేమ్ తో అభి ఆకట్టుకోవటం జరిగింది.
అంత మాత్రమే కాక ముందునుండి ఓటింగ్ లో అందరి కంటే ఎక్కువ ఓట్లు సాధిస్తూ రాణించడం జరిగింది. దీంతో టైటిల్ విన్నర్ కావటంతో ప్రస్తుతం ఇండస్ట్రీలో అభి కి అనేక అవకాశాలు వస్తున్నట్లు వార్తలు వినబడుతున్నాయి. ఇదిలా ఉంటే ఈ ఏడాదిలో.. టాప్ హండ్రెడ్ మోస్ట్ హ్యాండ్సమ్ ఫేసెస్ ఎవరు..? ఆన్లైన్లో ఈ హ్యాష్ట్యాగ్ తెగ నడుస్తోందిప్పుడు.
అయితే ఈ పోల్లో అభిజిత్ పేరే టాప్లో ఉండటం సోషల్ మీడియాలో సంచలనంగా మారింది. చాలా మంది నెటిజన్లు టాలీవుడ్ ఇండస్ట్రీలో అభిజిత్ ప్రిన్స్ అని అంటున్నారు. అతనికే ఓట్లు వేస్తున్నారు. ఈ క్రమంలో చాలా మందిని నెటిజన్లు అభిజిత్ కి సంబంధించి పోస్ట్ చేస్తున్న ఫోటోలు హీరోయిజాన్ని తలపించే విధంగా ఉండటంతో బిగ్ బాస్ మిస్టర్ కూల్ అభి పేరు మారుమ్రోగుతోంది.