దాదాపు 20 ఏళ్ల క్రితం బాలీవుడ్లో అద్బుతమైన సక్సస్ సాధించిన సినిమా సడక్. మహేష్ భట్ దర్శకత్వం వహించారు. యాక్షన్, ప్రేమ కథా చిత్రంగా వచ్చిన ఈ సినిమాలో సంజయ్ దత్, పూజాభట్ జంటగా నటించగా ట్రెండ్ సెట్టర్ గా నిలిచింది. ఇప్పటికీ సడక్ ప్రేక్షకుల్లో కొత్త అనుభూతిని కలిగిస్తుంది. ఇక ఈ మూవీకి సీక్వెల్గా సడక్ 2 ప్రేక్షకుల ముందుకు వచ్చింది. సంజయ్ దత్ తో పాటు అలియాభట్, ఆదిత్య రాయ్ కపూర్ ఈ సినిమాలో నటించారు. జిషుసేన్ గుప్తా, గుల్షన్ గ్రోవర్, మకరంద్ దేశ్పాండే ఇతర ప్రధాన పాత్రలో కనిపించారు.
లాక్డౌన్ కారణంగా థియేటర్లు మూత పడంతో సడక్ 2 సినిమాని నేరుగా డిస్నీ+హాట్ స్టార్ ఓటీటీ ద్వారా రిలీజ్ చేశారు. సడక్ లాంటి గొప్ప సినిమాకి సీక్వెల్ గా వచ్చిన సడక్ 2 ప్రేక్షకులను దారుణంగా నిరాశ పరచిందని అంటున్నారు. భారీ అంచనాలతో రిలీజైన ఈ సినిమా కథ, కథనాలు ఏ మాత్రం ప్రేక్షకులను ఆకట్టుకోలేకపోవడం పెద్ద మైనస్ అని చెప్పుకుంటున్నారు. సీనియర్ దర్శకుడిగా మహేష్ భట్ సడక్ 2 విషయంలో విఫలమైనట్టే అని టాక్ వినిపిస్తుంది.
అంతర్జాతీయంగా ఐఎండీబీ సినిమాల రివ్యూల పరంగా ప్రామాణికత ఉన్న రేటింగ్ సంస్థ. అయితే ఐఎండీబీలో అత్యంత వరస్ట్ సినిమాగా సడక్ 2 అని డిసైడ్ చేశారు. తాజాగా విడుదలైన ఈ చిత్రానికి ఐఎండీబీ వెబ్ సైట్ మరీ దారుణంగా 1.1 రేటింగ్ ఇవ్వడంతో ఈ సినిమా అంత చెత్తగా ఉందా? అని జనాలు షాకవుతున్నారు. నటవారసురాలు ఆలియాభట్ ప్రధాన పాత్రలో మహేష్ భట్ రూపొందించిన ఈ సినిమాపై సుశాంత్ సింగ్ అభిమానులు తొలి నుంచి నెగెటివ్ ప్రచారమే చేస్తున్నారు. ఇక ఐఎండీబీనే కాదు జాతీయ మీడియా ఈ సినిమాని పరమ చెత్త అంటూ సమీక్షించడం తో ఆలియాకు పెద్ద షాకే అని ప్రచారం అవుతోంది.