Whatsapp: వాట్సాప్ అంటే తెలియని యువత ఉండదంటే నమ్మశక్యం కాదేమో. ప్రపంచ వ్యాప్తంగా దాదాపు 90 శాతం యువత వాట్సాప్ వాడుతున్నారనేది తాజా గణాంకాలు చెబుతున్నాయి. దాన్నిబట్టి మనకి అర్ధం అవుతోంది.. వాట్సాప్ కి వున్న క్రేజ్ ఏపాటిదో. దానికి తగ్గట్టే సదరు కంపెనీ యాజమాన్యం వాట్సాప్ లో ఎప్పటికప్పుడు అప్ డేట్స్ తెస్తూ వుంటారు. యూజర్లకు మరిన్ని సదుపాయాలు కల్పించేలా అప్డేట్లు మళ్లీమళ్లీ తీసుకొస్తూనే ఉంది. ఈ కోవలోనే ఈ సంవత్సరం ఎన్నో ఫీచర్లను తీసుకొచ్చింది.
What’s up: వాట్సాప్లో అదిరిపోయే కొత్త ఫీచర్.. ఇకవారి బెడద ఉండదు!
ఈ ఫీచర్ వివరాలు:
దాని పేరు View Once. అంటే ఒక్కసారి సెండ్ చేసిన ఫొటో, అవతలి యూజర్ ఒక్కసారి మాత్రమే చూడగలుగుతాడు. తర్వాత చూసేందుకు అది మళ్లీ కనిపించదు. దీని వలన మిగతా ఉపయోగం ఏమంటే.. వీడియో రిసీవ్ చేసుకున్న అవతలి వ్యక్తి ఫోన్ గ్యాలరీలో ఇవి సేవ్ కావు. ఒక్కసారి చూశాక వెంటనే ఇవి డిలీట్ అయిపోతాయి. ఇక ఇందులో వున్న మరో గమ్మత్తు ఏమంటే, ఇలా పంపిన ఫొటోలు, వీడియోలను ఫార్వార్డ్ చేసుకోవడం కుదరదు. ఈ ఫీచర్ కేవలం యూజర్స్ ఇష్టం ప్రకారమే ఈ సంస్థ తీసుకొచ్చిందని సమాచారం.
WhatsApp: వాట్సాప్ వెబ్ లో అదిరిపోయే ఫీచర్…!
ఇంకా ఏఏ ఉపయోగాలు వున్నాయి?
ViewOnce మోడ్ ద్వారా అందుకున్న డేటాను 14 రోజుల వరకు ఓపెన్ చేయకపోతే, సదరు డేటా ఆటోమేటిక్ గా డిలీట్ అయిపోతుంది. ఇక దీన్ని ఎలా ఉపయోగించాలి అంటే, ముందుగా ఫొటో, వీడియో ఎవరి పంపాలో వారి కాంటాక్ట్ ఓపెన్ చేయాలి. తర్వాత గ్యాలరీలో ఉన్న మీడియా టెక్ట్స్ బాక్స్ పక్కనే ఉండే అటాచ్ సింబల్పై క్లిక్ చేయాలి. అలాగే ఫొటో తీసి పంపాలంటే కెమెరా ఐకాన్ మీద క్లిక్ చేయాలి. తరువాత టెక్స్ట్ బాక్స్ పక్కనే రౌండ్ మధ్య 1 నంబర్ ఉండే సింబల్ కనిపిస్తుంది. దానిపై క్లిక్ చేసి సెండ్ చేస్తే.. సరి.. పని అయిపోతుంది.