కరోనా దెబ్బకు రెండేళ్ల పాటు సినిమా థియేటర్లు మూతపడ్డాయి. దాంతో ఆ సమయంలో రావాల్సిన సినిమాలు అన్నీ వాయిదా పడాయి. అవన్నీ ఈ ఏడాదిలో రిలీజ్ అవ్వడానికి సిద్ధమవుతున్నాయి. ఫలితంగా బాక్సాఫీస్ వద్ద హడావిడి మొదలయింది. అయితే సినిమాల మధ్య పోటీ లేకుండా సినిమాకు, సినిమాకు మధ్య ఒక వారం, రెండు వారాలు గ్యాప్ ఉండేలా మేకర్స్ ముందుగానే జాగ్రత్తలు తీసుకున్నారు. అయినా కూడా ఒకట్రెండు సినిమాలు మాత్రం పోటీ పడక తప్పట్లేదు. ఈ ఏడాది సమ్మర్ సీజన్లో పెద్ద సినిమాలు సందడి చేశాయి. ఈ కాలంలో ఆర్ఆర్ఆర్, పుష్ప లాంటి సినిమాలు విడుదలై బ్లాక్ బస్టర్ హిట్ కాగా మరికొన్ని మాత్రం బొక్కబోర్లా పడాయి. ఆ తరువాత సీజన్లో మీడియం రేంజ్ సినిమాలు తెరమీదకి వచ్చాయి. కానీ ఒక్క సినిమా కూడా సక్సెస్ కాలేకపోయింది. ఇంకో కొద్ది వారాల్లో ఇండియాలో రిలీజ్ కానున్న సినిమాలు ఏంటి? వాటిలో ఏవి సక్సెస్ అయ్యే ఛాన్స్ ఉందో ఇప్పుడు చూద్దాం.
థాంక్యూ, బింబిసార
జులై నెలలో నాగచైతన్య నటించిన ‘థాంక్యూ’ మూవీ రవితేజ హీరోగా నటించిన ‘రామారావు ఆన్ డ్యూటీ’ లాంటి మిడిల్ రేంజ్ సినిమాలు ప్రేక్షకులను అల్లరించబోతున్నాయి. ఈ రెండింటిలో ఏ సినిమా ప్రేక్షకులను మెప్పిస్తుందో చూడాలి. ఆగస్ట్ మొదటి వారంలోనే 3 మీడియం రేంజ్ సినిమాలు రిలీజ్ అవుతాయి. నందమూరి కళ్యాణ్ రామ్ నటించిన ‘బింబిసార’ చిత్రం ఆగస్ట్ 5న రిలీజ్ అవుతుంది. ఇది
కళ్యాణ్ రామ్ కెరీర్లోనే హైయెస్ట్ బడ్జెట్తో రూపొందిందిన సినిమా. కొత్త కంటెంట్తో వస్తున్న ఈ మూవీ కచ్చితంగా సూపర్ హిట్ అవుతుందని అభిమానులు అభిప్రాయపడుతున్నారు.
సీతా రామం, కార్తికేయ-2
ప్రముఖ నిర్మాణ సంస్థ అయిన వైజయంతీ మూవీస్ నిర్మాణంలో హను రాఘవాపుడు దర్శకతంలో ‘సీతా రామం’ ఆగస్టు 5న రానుంది. ఇందులో దుల్కర్ సల్మాన్ – గార్జియస్ మృణాళ్ ఠాకూర్ లీడ్ రోల్స్లో నటించారు. జులై 22న చందు మొండేటి దర్శకత్వంలో నిఖిల్, అనుపమ పరమేశ్వరన్ జంటగా వస్తున్న సినిమా ‘కార్తికేయ-2’. అదే రోజు ‘థాంక్యూ’ సినిమా కూడా థియేటర్లలోకి వస్తోంది. ఈ కారణం వల్ల ‘కార్తికేయ -2’ సినిమా విడుదల తేదీని మార్చుకునే అవకాశాలు ఉన్నాయి. దీనిని ఆగస్ట్ 5న రిలీజ్ చేస్తారని ప్రస్తుత టాక్. ఇలా ఆగస్ట్ మొదటి వారం లోనే వరుసగా మూడు సినిమాలు ప్రేక్షకుల ముందుకు రాబోతున్నాయి. ఈ మూడు సినిమాలో చేసినవారికి సినిమా హిట్ అవడం అనేది చాలా అవసరం కానీ 3 సినిమాలు ఒకేరోజు రిలీస్ అయితే మూడు హిట్ కావడమనేది కష్టమని అంటున్నారు. కానీ ఈ డేట్ మిస్ అయితే మళ్లీ మంచి డేట్స్ దొరకడం కష్టమని ఎవరూ వెనక్కి తగ్గట్లేదు.
మాచర్ల నియోజకవర్గం, లాల్ సింగ్ చద్దా
ఇకపోతే ఆగస్ట్ రెండో వారంలో అంటే ఆగస్ట్ 12న నితిన్ హీరోగా ‘మాచర్ల నియోజకవర్గం’, ఆగస్ట్ 11న బాలీవుడ్ హీరో ‘లాల్ సింగ్ చద్దా’ విడుదల కాబోతున్నాయి. నాగచైతన్య ఇందులో కీలక పాత్ర పోషించడంతో తెలుగు ప్రేక్షకులలో ఆసక్తి నెలకొంది. ఆగస్ట్ 2న విజయ్ దేవరకొండ నటించిన ‘లైగర్’ పాన్ ఇండియా రేంజ్ లో 5 భాషలలో రాబోతుంది. దీన్నిబట్టి వచ్చే నెలలో ప్రేక్షకులకు సినిమాల జాతరే అని చెప్పొచ్చు.