Netflix: కరోనా కష్టకాలం తరువాత పరిస్థితులు చాలా మారాయి. థియేటర్లు ఓపెన్ లేనందున ప్రేక్షకులకు OTT మరియు ATT ప్లాట్ ఫామ్ లు ప్రత్యామ్నాయంగా మారాయి. ఇటువంటివి ఆల్రెడీ అప్పటికే ఉన్నప్పటికీ కరోనా తరువాత మరింత జనాదరణ పొందాయనడంలో అతిశయోక్తి లేదు. ఇక యూజర్లను అట్రాక్ట్ చేయడం కోసం అప్పుడప్పుడు OTT మరియు ATT ప్లాట్ ఫామ్ లు ఆఫర్లు ప్రకటిస్తూ ఉంటాయి. ఈ కోవలోనే ఆన్‌లైన్ స్ట్రీమింగ్ ప్లాట్ ఫామ్ నెట్ ఫ్లిక్స్ బంపర్ ఆఫర్ ప్రకటించింది.
Most Eligible Bachelor: ఓటిటిలో సందడి చేయనున్న మోస్ట్ ఎలిజిబుల్ బ్యాచిలర్.. ఎప్పుడంటే..!?
ఆ అఫర్ సంగతేంటి?
నెట్ ఫ్లిక్స్ తాజాగా భారీ ధరలను తగ్గించింది. యూజర్ బేస్‌ ను పెంచుకునేందుకు నెట్ ఫ్లిక్స్ ఈ నిర్ణయం తీసుకున్నట్టుగా తెలుస్తోంది. ఇక ధరలు ఏ విధంగా వున్నాయంటే.. బేసిక్ ప్లాన్ నెలకు రూ.499 నుంచి రూ.199కు వరకు తగ్గింది. ఈ ప్లాన్ పై యూజర్స్ మొబైల్, టీవీ, టాబ్లెట్, కంప్యూటర్ పై సినిమాలను, వివిధ షోలను చూసే వీలుంది. అలాగే 2 డివైజ్‌ లు చూసేందుకు వీలున్న స్టాండర్డ్ టైర్ ధరలను నెలకు రూ.649 నుంచి రూ.499కు తగ్గించింది. అలాగే ఎక్కువ ధర కలిగిన ప్రీమియం టైర్ (నాలుగు స్క్రీన్లలో ఆల్ట్రా హెచ్‌డీ కంటెంట్‌ను చూసేది) ధరను రూ.799 నుంచి రూ.649కు వరకు కుదించింది.
Netflix రేపు, ఎల్లుండి ’ఫ్రీ’.. ఇలా చెయ్యండి…డోంట్ మిస్!
మిగతా ధరల వివరాలు:
ఇండియన్ మొబైల్ ప్లాన్ ధర నెలకు రూ.199 నుండి రూ.149కు తగ్గింది. అలాగే నెట్ ప్లిక్స్ తన యూజర్లను ఆకట్టుకునేందుకు ఆటో అప్ గ్రేడ్ ఫీచర్‌ను తీసుకొచ్చిన విషయం చాలామందికి తెలిసినదే. దీని వలన బెనిఫిట్ చాలా మందికి తెలియదు. ఇపుడు దాని గురించి తెలుసుకుందాం… యూజర్ రూ.499 బేసిక్ ప్లాన్‌పై ఉండి, తాను స్టాండర్డ్ ప్లాన్‌కి మారాలనుకుంటే దీనిద్వారా మారవచ్చు. అంటే తక్కువ ధరకే యూజర్లు కొత్త ప్లాన్‌లోకి అప్‌గ్రేడ్ కావచ్చు. ఇండియాలో అమెజాన్ ప్రైమ్ వీడియో, సోనీ పిక్చర్స్ నెట్ వర్క్ సోనీ లైవ్ వంటి వాటి నుంచి నెట్ ఫ్లిక్స్‌కి విపరీతమైన పోటీ వస్తున్న నేపథ్యంలో ఈ నిర్ణయం తీసుకుందని కొందరి అభిప్రాయం.
