Thalivi: మాజీ ముఖ్యమంత్రి, సినీనటి జయలలిత జీవిత కథ ఆధారంగా తెరకెక్కుతున్న సినిమా తలైవి.. కంగనా రనౌత్ ఈ సినిమాలో ప్రధాన పాత్ర పోషిస్తుంది.. ఇప్పటికే ఈ సినిమా నుంచి విడుదలైన ఫస్ట్ లుక్, తలైవి – రామచంద్రన్ లుక్ విశేషంగా ఆకట్టుకున్నాయి.. ఇటీవల తలైవి ట్రైలర్ ను విడుదల చేయగా సినిమాపై తారాస్థాయిలో అంచనాలను పెంచేసింది.. తాజాగా ఈ చిత్రం నుండి తలైవి న్యూ స్టిల్స్ ను విడుదల చేశారు మేకర్స్..!!
ఈ సినిమాకు ఎల్ విజయ్ దర్శకత్వం వహిస్తున్నారు. విబ్రి మీడియా, కర్మ మీడియా అండ్ ఎంటర్టైన్మెంట్ బ్యానర్ పై విష్ణువర్ధన్ ఇందూరి, శైలేష్ ఆర్ సింగ్ సంయుక్తంగా ఈ చిత్రాన్ని నిర్మిస్తున్నారు. అమ్మ పాత్రలో కంగనా రనౌత్ దిగిపోయింది.
ఈ చిత్రంలో ఎంజిఆర్ సతీమణిగా జానకి రామచంద్రన్ గా మధుబాల నటిస్తోంది. ఈ సినిమాలో ఎంజీఆర్ గా అరవిందస్వామి, కరుణానిధి గా నాజర్, జయలలిత తల్లి సంధ్య గా భాగ్యశ్రీ నటిస్తున్నారు. ఈ సినిమా తెలుగు తమిళ, హిందీ, భాషల్లో విడుదల కానుంది. ఇప్పటికే ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ పనులను జరుపుకుంటోంది.
వాస్తవానికి ఈ చిత్రం ఏప్రిల్ 23న ప్రేక్షకుల ముందుకు రావాల్సి ఉంది. కరోనా కారణంగా ఈ చిత్రం విడుదల తేదీ వాయిదా పడింది. త్వరలోనే కొత్త రిలీజ్ డేట్ ను ప్రకటించనున్నారు మేకర్స్. ఇటీవల ఈ చిత్రం నుండి విడుదలైన “చలి చలి” పాట విశేషంగా ఆకట్టుకుంది.. తాజాగా విడుదలైన తలైవి న్యూ స్టిల్స్ సోషల్ మీడియాలో వైరల్ అవుతున్నాయి.