Security: ఈ ప్రస్తుత స్మార్ట్ యుగంలో మనిషికి భ‌ద్ర‌త ఎంతో అవసరం అయ్యింది. ఈ తరహాలో ఇప్పటికే ఫింగర్ ప్రింట్ టెక్నాలజీ, ఫేషియల్ రికగ్నిషన్ అంటూ ఎన్నో రకాల టెక్నాలజీ లు వచ్చాయి. కానీ ఇంకా ఏదో ఒక చోట మనిషికి భయం అలానే ఉంది. తాజాగా శాస్త్రవేత్తలు ఇంకొక కొత్త రకం టెక్నాలజీ ని రూపొందిస్తున్నారు. దీనితో ఇక మీరు నిశ్చింతగా ఉండవచ్చట. అదేమిటంటే మీ చేతి చర్మం లోపల ఉన్న ర‌క్త నాళాల‌ను సైతం గుర్తించగలిగిన టెక్నాలజీ. ఈమ‌ధ్య కాలంలో సెక్యూరిటీ Security విషయంలో మనకి ఎక్కువగా వినిపిస్తున్న పేరు బయోమెట్రిక్ రికగ్నిషన్.
ఇందులో మన ఫింగర్ ప్రింట్ కానీ లేదా ఐరిస్ ని కానీ ఆధారంగా చేసుకుని సెక్యూరిటీ అందించబడుతుంది. ఇక ఫేషియల్ రెకగ్నిషన్ ను విమానాశ్ర‌యాల చెక్-ఇన్ లైన్‌ల దగ్గర ఎక్కువగా ఉపయోగిస్తున్నారు. అలాగే ఈ ఫేషియల్ రికగ్నిషన్ ను పోలీసు డిపార్ట్‌మెంట్‌లో మరియు నైట్ క్ల‌బ్‌ల‌లో కూడా ఉపయోగిస్తున్నారు.
అలాగే భ‌ద్ర‌త‌లో భాగంగా ఐరిస్ (iris), ఫింగర్ ప్రింట్ (fingerprint), వాయిస్ రికగ్నిషన్ (voice recognition) వంటివి వివిధ విభాగాల్లో వినియోగిస్తున్న విష‌యం అందిరికీ తెలిసిందే. అయితే ఆస్ట్రేలియాలోని యూనివ‌ర్సిటీ ఆఫ్ న్యూసౌత్ వేల్స్ పరిశోధకులు వెల్ల‌డిస్తున్న దాని ప్ర‌కారం, కొన్ని బయోమెట్రిక్ విధానాలను మార్ఫ్ చేసే వీలుందట.
ఇప్పటికే మనం ఎన్నో సినిమాలలో నటులు తెలివిగా ఇంకొకరి ఫింగర్ ప్రింట్స్ ను దొంగిలించడం చూసాము. మరి అలాంటప్పుడు నిజ జీవితంలో ఫింగర్ ప్రింట్ ను ఉపయోగించడం వలన సెక్యూరిటీ ఏం ఉంటుంది అని ఎంతో మందికి డౌట్ వచ్చే ఉంటుంది. ఇక ఫేషియల్ రికగ్నిషన్ విషయానికి వస్తే సోషల్ మీడియా లో వారి ఫోటో లను ఉపయోగించి ఐరిస్ స్కాన్ చేసి అన్ లాక్ చేస్తున్నారు. కాబట్టి చర్మం లోపల ఉండే ర‌క్త నాళాల న‌మూనాల వలన అయితే ఎవరూ ఎటువంటి నమూనాలు సేకరించలేరని ఈ విధంగా పరిశోధనలు చేస్తున్నట్లు పరిశోధకులు వివరించారు.
