Nidhi agarwal : నిధి అగర్వాల్ ఇండస్ట్రీకొచ్చి బ్యాక్ టు బ్యాక్ అక్కినేని హీరోలతో రెండు సినిమాలు చేసింది. నాగ చైతన్యతో సవ్య సాచి సినిమాలో నటించిన నిధి ఆ తర్వాత అఖిల్ తో మిస్టర్ మజ్ఞు సినిమాలో కూడా అవకాశం అందుకుంది. ఈ రెండు సినిమాలు బాక్సాఫీస్ వద్ద అనుకున్నతంగా సక్సస్ ని సాధించలేదు. దాంతో నిధి కెరీర్ డైలమాలో పడింది. కానీ అనూహ్యంగా డైరెక్టర్ పూరి జగన్నాధ్ ఇస్మార్ట్ శంకర్ సినిమాలో అవకాశం ఇచ్చాడు. నభా నటేష్ తో కలిసి స్క్రీన్ పంచుకున్న నిధి మంచి మార్కులే సంపాదించుకుంది. ఈ సినిమాతో సూపర్ హిట్ అందుకొని ఫాంలోకి వచ్చింది.
అయితే తెలుగులో ఇస్మార్ట్ శంకర్ సినిమా తర్వాత ఆశించిన అవకాశాలు రాలేదు. కానీ తమిళంలో మాత్రం జయం రవి, శింబు సినిమాలలో నటించి కోలీవుడ్ ప్రేక్షకులను .. మేకర్స్‌ని బాగా ఆకట్టుకుంది. దాంతో కోలీవుడ్‌లో క్రేజీ హీరోయిన్ గా మారింది. అక్కడ నిధికి వరసగా అవకాశాలు వస్తున్నాయట. కానీ ఇక్కడ నిధి అగర్వాల్ కి అవకాశాలు రాకపోవడంతో అభిమానులు కాస్త డిసప్పాయింట్ అవుతున్నారు. ఎప్పుడో మొదలైన గల్లా అశోక్ డెబ్యూ సినిమా కూడా ఎప్పుడు పూర్తవుతుందో క్లారిటీ లేదు.
Nidhi agarwal : నిధి వీరమల్లు సెట్ లో జాయిన్ అయిందని అర్థమవుతోంది.
దాంతో టాలీవుడ్ లో నిధి అగర్వాల్‌కి లక్ లేదని మాట్లాడుకున్నారు. కానీ పవర్ స్టార్ పవన్ కళ్యాణ్ నిధి ఫేట్ మార్చబోతున్నాడు. పవర్ స్టార్ – క్రిష్ కాంబినేషన్‌లో తెరకెక్కుతున్న హరిహర వీరమల్లు సినిమాలో హీరోయిన్ గా నటిస్తోంది. సెట్‌లో పవర్ స్టార్ రాగానే అందరిలో ఒక పవర్ వచ్చేస్తుందని ఆయన చాలా కూల్‌గా ఉంటాడని నిధి సన్నిహితుల వద్ద చెబుతోందట. అంటే ఇప్పటికే నిధి వీరమల్లు సెట్ లో జాయిన్ అయిందని అర్థమవుతోంది. అప్పట్లో శృతి హాసన్ ఫేట్ మార్చిన పవర్ స్టార్ ఇప్పుడు నిధి అగర్వాల్ ఫేట్ మార్చబోతున్నాడని చెప్పుకుంటున్నారు.
