Nidhi agarwal :నిధి అగర్వాల్ Nidhi agarwal శృతిహాసన్ కి ఒకప్పుడు ఐరెన్ లెగ్ అన్న పేరుండేది. టాలీవుడ్తో పాటు కోలీవుడ్ లో చేసిన సినిమాలు ఫ్లాపవడంతో అందరూ శృతిహాసన్ ని ఇలా పిలిచేవారు. కాని పవర్ స్టార్ పవన్ కళ్యాణ్ ఇదంతా పట్టించుకోకుండా శృతిహాసన్ కి గబ్బర్ సింగ్ సినిమాలో హీరోయిన్ గా అవకాశం ఇచ్చాడు. నిర్మాత బండ్ల గణేష్ బాబు ఈ అమ్మాయి హీరోయిన్ గా వద్దు అని చెప్పినప్పుడు .. పవన్ కళ్యాణ్ ఎందుకు అని అడిగాడట. ఈ అమ్మాయికి ఒక్క హిట్ సినిమాలేదు. అనగానే నువ్వేమైనా పది హిట్స్ తీశావా ఆ అమ్మాయినే పెట్టుకో అన్నాడట.
అలా ఒకే ఒక్క మాటతో శృతిహాసన్ ని గబ్బర్ సింగ్ సినిమాతో హీరోయిన్ గా అవకాశం ఇవ్వడమే కాదు సౌత్ మొత్తంలో స్టార్ హీరోయిన్ గా మార్చాడు. సాధారణంగా సినిమా ఇండస్ట్రీలో సెంటిమెంట్స్ ఎక్కువ. ఒక్క ఫ్లాప్ వస్తే మళ్ళీ ఏ ఒక్కరు ఆ హీరోయిన్ వంక చూడరు. కాని పవన్ కళ్యాణ్ ఇలాంటివి పట్టించుకోడనడానికి ఇదే పెద్ద ఎగ్జాంపుల్. అయితే అప్పుడు శృతిహాసన్ కి అవకాశం ఇచ్చినట్టుగానే ఇప్పుడు నిధి అగర్వాల్ కి అవకాశం ఇచ్చాడు పవన్ కళ్యాణ్.
Nidhi agarwal : పవన్ కళ్యాణ్ తన 27వ సినిమాలో నిధి అగర్వాల్ కి అవకాశం.
అక్కినేని సోదరులతో రెండు సినిమాలు చేసినా ఒక్క హిట్ అందుకోలేకపోయింది. అయినా పూరి జగన్నాధ్ ఇస్మార్ట్ శంకర్ సినిమాలో అవకాశం ఇచ్చాడు. ఈ సినిమా సూపర్ హిట్ అయింది. కానీ నిధి అగర్వాల్ కి మాత్రం అవకాశాలు రాలేదు. అయితే తమిళంలో రెండు సినిమాలు చేసింది. అక్కడే మరికొన్ని సినిమాల చర్చలు సాగుతున్నాయట. ఇక టాలీవుడ్ కి టాటా చెప్పేస్తుందనుకుంటుండగా పవన్ కళ్యాణ్ తన 27వ సినిమాలో అవకాశం ఇచ్చాడు. క్రిష్ దర్శకత్వం వహిస్తున్న ఈ సినిమా ప్రస్తుతం షూటింగ్ దశలో ఉంది. ఈ సినిమాతో నిధి అగర్వాల్ కూడా టాలీవుడ్ లో స్టార్ హీరోయిన్ అయిపోతుందని చెప్పుకుంటున్నారు.