అందరూ ఎప్పుడెప్పుడా అని ఎదురు చూస్తున్న తరుణం రానే వచ్చింది. మెగా ఫ్యామిలీ మొత్తం ఆయన రాకకోసం ఎదురుచూస్తుంది. పవన్ కళ్యాణ్ నవ వధువుకి ఇచ్చిన మాట నిలపెట్టుకుంటున్నారు. అవును పవన్ కళ్యాణ్ ఉదయపూర్ చేరుకున్నారు. ఇంకా కాసేపటిలో ఉదయపూర్ ప్యాలస్ కు చేరుకోనున్నారు. ఆయన హైదరాబాద్ లో ఉదయపూర్ కు ఫ్లైట్ ఎక్కేముందు తీసిన ఫోటోలు ఇప్పటి వరకు సోషల్ మీడియా లో హల్చల్ చేశాయి.
జనసేన అధినేత పవన్ కల్యాణ్ రాజకీయాలకు తన దీక్షకు ఒక స్వల్ప విరామం ప్రకటించి మెగా డాటర్ పెళ్ళికి హాజరు అవుతున్నారు. పవన్ కళ్యాణ్ అన్న నాగబాబు ఏకైక కుమార్తె నిహారిక వివాహం రేపు రాత్రికి ఉదయపూర్ ప్యాలస్ లో జరగనున్నది. ఇప్పటికే మెగా కుటుంబ సభ్యులు అందరూ ఉదయపూర్ ప్యాలస్ కు చేరుకొని వేడుక చేసుకుంటున్నారు. చిరంజీవి, అల్లు అరవింద్, రామ్ చరణ్, అల్లు అర్జున్ సతీసమేతంగా ఉదయ్ పూర్ చేరుకుని సందడి చేస్తున్నారు.
పవన్ కళ్యాణ్ అక్కడ లేని లోటు స్పష్టంగా కనిపిస్తోందని అభిమానులు భావిస్తున్నంతలో పవన్ కళ్యాణ్ పయనం మెగా ఫ్యాన్స్ అందరినీ సంతోషానికి గురిచేసింది. పవన్ కళ్యాణ్ ఈ రోజు సాయంత్రం బేగంపేట విమానాశ్రయం నుంచి ప్రత్యేక విమానంలో ఉదయ్ పూర్ చేరారు. దీనికి సంబంధించిన ఫొటోలు సోషల్ మీడియాలో షేర్ చేసుకుంటూ మెగా ఫాన్స్ సందడి చేస్తున్నారు.
పవన్ కళ్యాణ్ గతంలో నితిన్ పెళ్లికి హాజరై సొంత అన్న కూతురు అయిన నిహారిక నిశ్చితార్ధానికి హాజరు కాకపోవడంపై అప్పట్లో పలు విమర్శలు చెలరేగాయి. నిహారిక పెళ్లికి ఎట్టిపరిస్థితులలో హాజరు అవుతా అని పవన్ నవ వధువుకి ఇచ్చిన మాట నిలపెట్టుకున్నారు. బాబాయ్ రాకతో కొత్త పెళ్లికూతురు సంతోషంలో మునిగి తేలుతుంది.