మరో రెండు రోజులలో మెగా బ్రదర్ నాగబాబు ముద్దుల కూతురు పెళ్ళి పీటలు ఎక్కనున్నది. కొణిదెల నిహారిక మరియు జొన్నలగడ్డ వెంకట చైతన్య ల పెళ్ళి వేడుక డిసెంబర్ 9 న రాజస్థాన్ లోని ఉదయపూర్ పాలస్ లో అంగరంగ వైభవంగా జరగనున్నది.
ఈ డెస్టినేషన్ వెడ్డింగ్ కి మెగా ఫామిలీ మొత్తం హాజరు కానున్నది. మెగా హీరోస్, మెగా బ్రదర్స్ త్వరలోనే ఇక్కడ షూటింగ్ పూర్తిచేసుకుని ఉదయపూర్ చేరుకోనున్నారు. మెగా సిస్టర్స్ మరియు మెగా హీరోలు రామ్ చరణ్, వరుణ్ తేజ్, అల్లు అర్జున్, అల్లు శిరీష్, సాయి ధరమ్ తేజ్ లు ఈ వేడుకలో సందడి చేయనున్నారు. ఇప్పటికే పెళ్ళి పనులు అన్నీ పూర్తయినట్లు తెలుస్తుంది. మెగా కుటుంబ సభ్యులు అంతా కలిసి అక్కడే ఉండి నిహారిక పెళ్లిని అంగరంగ వైభవంగా జరిపిస్తున్నారు.
పెళ్లికూతురిని చేసినప్పటి నుంచి ఈ ముద్దుగుమ్మ వేరు వేరు స్టైల్స్ లో వేరు వేరు చీరలతో సోషల్ మీడియా లో ఫోటోలు పోస్ట్ చేస్తూనే ఉంది. తాజాగా నిహారిక తన సోషల్ మీడియా లో పోస్ట్ చేసిన పోస్ట్ ఇప్పుడు వైరల్ అవుతుంది. 32 ఏళ్ల నాటి వాళ్ళ అమ్మ నిశ్చితార్ధం చీర కట్టుకుని తెగ మురిసిపోయింది నవ వధువు. ఆ ఫోటో కింద ‘మా అమ్మ నిశ్చితార్ధం చీర’ అని రాసి పోస్ట్ చేసింది. ఈ రోజు ఆ చీర తాను మళ్ళి కట్టుకుని వాళ్ళ అమ్మా ఫోటో , తన ఫోటో రెండు పక్క పక్కన పెట్టి పోస్ట్ చేసింది. ఈ ఫోటోను చూసిన మెగా అభిమానులు అంతా కుందనపు బొమ్మలా ఉంది మా మెగా డాటర్ అంటూ సంతోషపడిపోతున్నారు.