Nithin : రంగ్ దే సినిమాతో హిట్ అందుకొని మంచి ఫాంలోకి వచ్చాడు యూత్ స్టార్ నితిన్. గత ఏడాది భీష్మ సినిమా హిట్ అందుకున్న తర్వాత వరసగా నాలుగు సినిమాలను కమిటయ్యాడు. వీటిలో చెక్ సినిమా గత నెలలో ప్రేక్షకుల ముందుకు వచ్చింది. చంద్ర శేఖర్ యేలేటి దర్శకత్వంలో తెరకెక్కిన ఈ సినిమాలో రకుల్ ప్రీత్ సింగ్, ప్రియా ప్రకాష్ వారియర్ హీరోయిన్స్ గా నటించారు. భారీ అంచనాల మధ్య విడుదలయిన ఈ సినిమా నితిన్ కి హిట్ ఇవ్వలేకపోయింది. కాస్త డిసపాయింట్ అయిన నితిన్ రంగ్ దే సినిమా మీద చాలా నమ్మకాలు పెట్టుకున్నాడు.
అందుకే రంగ్ దే సినిమాకి ప్రమోషన్స్ గట్టిగా నిర్వహించారు. సినిమా మీద బాగా పాజిటివ్ వైబ్స్ తెచ్చారు. అనుకున్నట్టుగానే రంగ్ దే సినిమా చిత్ర యూనిట్ కి భారి హిట్ ఇచ్చింది. గత కొన్ని రోజులుగా సక్సస్ కి దూరంగా ఉన్న కీర్తి సురేష్ కి మంచి హిట్ దక్కింది. చెక్ సినిమా డిసప్పాయింట్ చేసినా రంగ్ దే రూపంలో నితిన్ కి హిట్ పడింది. దాంతో ఇదే ఊపుని కంటిన్యూ చేస్తూ తన నెక్స్ట్ సినిమా నుంచి సర్‌ప్రైజింగ్ అప్‌డేట్ ఇవ్వడానికి రెడీ అయ్యాడు.
Nithin : నితిన్ బర్త్ డే సందర్భంగా ఈ సినిమా ఫస్ట్ లుక్ పోస్టర్ ని రిలీజ్ చేయబోతున్నారు.
బాలీవుడ్ లో సూపర్ హిట్ గా నిలిచిన ‘అంధాదున్’ తెలుగు రీమేక్ లో నటిస్తున్న సంగతి తెలిసిందే. యంగ్ డైరెక్టర్ మేర్లపాక గాంధీ ఈ సినిమాకి దర్శకత్వం వహిస్తున్నాడు. రాజ్ కుమార్ ఆకెళ్ల సమర్పణలో శ్రేష్ఠ మూవీస్ బ్యానర్ పై ఎన్.సుధాకర్ రెడ్డి – నికిత రెడ్డిలు ఈ సినిమాని సంయుక్తంగా నిర్మిస్తున్నారు. నితిన్ కెరీర్ లో 30వ సినిమాగా వస్తున్న ఈ రీమేక్ లో ఇస్మార్ట్ బ్యూటీ నభా నటేష్ హీరోయిన్ గా నటిస్తుండగా, మిల్కీ బ్యూటీ తమన్నా కీలక పాత్రలో కనిపించబోతోంది. కాగా మార్చ్ 30న నితిన్ బర్త్ డే సందర్భంగా ఈ సినిమా ఫస్ట్ లుక్ పోస్టర్ ని రిలీజ్ చేయబోతున్నారు.
