nithin : యూత్ స్టార్ నితిన్ – కీర్తి సురేష్ జంటగా నటించిన సినిమా రంగ్ దే. తాజాగా ఈ సినిమా ప్రేక్షకుల ముందుకు వచ్చింది. నిన్ననే యూఎస్ ప్రీమియర్ షోస్ పడి అక్కడి ప్రేక్షకుల నుంచి పాజిటివ్ రెస్పాన్ వచ్చింది. ఇక ఈ రోజు దేశ వ్యాప్తంగా రిలీజైన రంగ్ దే సినిమా హిట్ టాక్ ని తెచ్చుకుంది. రాక్ స్టార్ దేవీశ్రీప్రసాద్ సంగీతం లెజెండరీ సినిమాటోగ్రాఫర్ పీసీ శ్రీరాం అందించిన సినిమాటోగ్రఫీ సినిమాకి పెద్ద ప్లస్ అయ్యాయి. ఇక యంగ్ డైరెక్టర్ వెంకీ అట్లూరి కథ కథనం ఫ్యామిలీ ఆడియన్స్ ని బాగా ఆకట్టుకోగా నితిన్ – కీర్తి సురేష్ జంట స్క్రీన్ మీద ఫ్రెష్ ఫీలింగ్ ని కలిగిస్తోంది.
గత చిత్రం చెక్ సినిమా నితిన్ ని నిరాశపరచగా రంగ్ దే మళ్ళీ సూపర్ హిట్ టాక్ తెచ్చుకొని నితిన్ మళ్ళీ ఫాంలోకి వచ్చేలా చేసింది. అయితే నితిన్ కి రంగ్ దే సినిమా హ్యాట్రిక్ సినిమా.. అంటే హ్యాట్రిక్ హిట్ అనమాట. అదేలా అంటే సితార ఎంటర్టైన్మెంట్స్ బ్యానర్ లో నితిన్ నటించిన మూడవ సినిమా. ఇంతక ముందు త్రివిక్రం శ్రీనివాస్ దర్శకత్వంలో అ..ఆ సినిమా చేశాడు. సమంత హీరోయిన్ గా నటించిన ఈ సినిమా సూపర్ హిట్ గా నిలిచింది.
nithin : సితార బ్యానర్ లో నిర్మించిన మూడు సినిమాలతో నితిన్ హ్యాట్రిక్ హిట్స్ అందుకున్నాడు.
ఆ తర్వాత వచ్చిన సినిమా భీష్మ కూడా సితార బ్యానర్ లోనే నిర్మించారు. ఈ రెండు సినిమాలకి నిర్మాత సూర్య దేవరనాగ వంశీ. ఇప్పుడు ప్రేక్షకుల ముందుకు వచ్చిన రంగ్ దే సినిమా కూడా ఇదే బ్యానర్ లో తెరకెక్కింది. ఇలా సితార బ్యానర్ లో నిర్మించిన మూడు సినిమాలతో నితిన్ హ్యాట్రిక్ హిట్స్ అందుకున్నాడు. దాంతో చిత్ర బృందం ఆనందంలో మునిగి తేలుతోంది. సంస్థ కార్యాలయంలో చిత్ర బృందం బాణాసంచా కాల్చి సంబరాలు చేసుకున్నారు. మొత్తానికి ముందు నుంచి రంగ్ దే సినిమా మీద అభిమానుల్లో .. ప్రేక్షకుల్లో భారీగా అంచనాలు నెలకొనగా ఆ అంచనాలు అందుకుంది రంగ్ దే సినిమా.