Nithin : నితిన్ – నాని .. టాలీవుడ్ లో మంచి ఫ్యామిలీ ఆడియన్స్ ని సంపాదించుకున్నారు. ఈ ఇద్దరి హీరోల సినిమాలు రిలీజ్ అవుతున్నాయంటే యూత్ ఆడియన్స్ తో పాటు ఫ్యామిలీ ఆడియన్స్ కూడా బాక్సాఫీస్ వద్ద సందడి చేసేందుకు రెడీ అయిపోతారు. ఇక నిర్మాతలకి నితిన్ .. నాని లతో సినిమా తీయాలంటే చాలా కంఫర్ట్ గా ఫీలవౌతారు. మినిమం గ్యారెంటీ హీరోలని ఇద్దరి టాలీవుడ్ లో పేరుంది. అందుకే నాని గాని నితిన్ గాని హిట్ .. ఫ్లాపులతో సంబంధం లేకుండా వరసగా సినిమాలు చేస్తూ వస్తున్నారు. ఇప్పుడు ఇద్దరి చేతిలో క్రేజీ ప్రాజెక్ట్స్ ఉన్నాయి.
వాస్తవంగా నాని – నితిన్ సినిమాలు గత ఏడాదే ప్రేక్షకుల ముందుకు వచ్చేయాల్సింది. కాని కరోనా కారణంగా గత ఏడాది రిలీజ్ ప్లాన్ చేసుకున్న సినిమాలు ఈ ఏడాది రెడీ అవుతున్నాయి. అయితే అనూహ్యంగా నాని నుంచి మూడు సినిమాలు వస్తుంటే నితిన్ నుంచి మూడు సినిమాలు రాబోతున్నాయి. చెప్పాలంటే నాని కంటే నితిన్ సినిమాలే ఈ ఏడాది సమ్మర్ వరకు మూడు సినిమాలు రిలీజ్ కాబోతున్నాయి. ఇప్పటికే నితిన్ నటిస్తున్న రంగ్ దే, బాలీవుడ్ హిట్ సినిమా అంధాదున్ తెలుగు రీమేక్..రిలీజ్ డేట్స్ ని అనౌన్స్ చేశారు. ఇక చెక్ సినిమా వచ్చే వారం ప్రేక్షకుల ముందుకు రాబోతోంది.
Nithin : నితిన్ – నాని లకి ఈ ఏడాది ఎన్ని సూపర్ హిట్స్ దక్కుతాయో…!
కాగా నాని నుంచి ఇప్పటికే రెండు సినిమాలు రిలీజ్ కి రెడీ అవుతున్నాయి. శివ నిర్వాణ దర్శకత్వంలో నాని నటించిన టక్ జగదీష్ ఏప్రిల్ 16 న రిలీజ్ కానుంది. ఈ సినిమా తర్వాత శ్యాం సింగ్ రాయ్.. అంటే సుందరానికి రిలీజ్ కానున్నాయి. కాని ఇంకా ఈ రెండు సినిమాల రిలీజ్ డేట్ ని మేకర్స్ అనౌన్స్ చేయలేదు. అయితే ఇప్పుడు అందరూ ఈ ఇద్దరు హీరోల నుంచి మూడేసి సినిమాలు రాబోతున్నాయి. మరి ఏ హీరో అకౌంట్ లో ఎన్ని హిట్స్ పడతాయో అంటూ చెప్పుకుంటున్నారట. చూడాలి మరి నితిన్ – నాని లకి ఈ ఏడాది ఎన్ని సూపర్ హిట్స్ దక్కుతాయో.