Nivetha thomas : మూడేళ్ళ తర్వాత పవర్ స్టార్ పవన్ కళ్యాణ్ రీ ఎంట్రీ సినిమా తాజాగా ప్రేక్షకుల ముందుకు వచ్చిన సినిమా వకీల్ సాబ్. బోనీకపూర్ సమర్పణలో శ్రీవెంకటేశ్వర క్రియేషన్స్ బ్యానర్‌పై దిల్ రాజు – శిరీష్ నిర్మించారు. వేణు శ్రీరామ్ దర్శకత్వం వహించాడు. ఎస్ ఎస్ థమన్ సంగీతం అందించాడు.
కాగా గత శుక్రవారం (ఏప్రిల్ 9) ప్రపంచ వ్యాప్తంగా ప్రేక్షకుల ముందుకు వచ్చిన సంగతి తెలిసిందే. సినిమా రిలీజైన ప్రతీ చోటా బ్లాక్ బస్టర్ హిట్ అన్న టాక్‌తో దూసుకుపోతోంది. హిందీలో అమితాబ్ బచ్చన్, తమిళంలో అజిత్ కుమార్ చేసిన లాయర్ పాత్రని మన దగ్గర పవన్ కళ్యాణ్ చేశాడు.
ఇక ఈ సినిమాలో పవన్ కళ్యాణ్ కాకుండా కీలకమైన మూడు పాత్రల్లో నివేతా థామస్, అంజలి, అనన్య నాగళ్ళ, ప్రకాష్ రాజ్ నటించారు. కాగా నివేతా థామస్ వకీల్ సాబ్ సినిమాలో నటనకి గానూ ఎన్నో ప్రశంసలు దక్కుతున్నాయి. నేచురల్ పర్ఫార్మర్‌గా నివేతా థామస్‌కి ఎంతటి పేరుందో అందరికీ తెలిసిందే. అయితే వకీల్ సాబ్‌లో తన పాత్రకి ఇంతటి రెస్పాన్స్ రావడం ఎంతో ఆనందంగా ఉందంటూ చెపుకొచ్చింది. ఈ సినిమా రిలీజ్ కి ముందు నివేతా కరోనా బారిన పడింది.
Nivetha thomas : పవన్ కళ్యాణ్‌తో నటించడం చాలా స్పెషల్..!
దాంతో వకీల్ సాబ్ ప్రమోషన్స్‌కి దూరంగా ఉండాల్సి వచ్చింది. దర్శకుడు వేణు శ్రీరాం, అంజలి, అనన్య నాగళ్ళ మాత్రమే ప్రమోషన్స్‌కి హాజరయ్యారు. అయితే సినిమా రిలీజ్ రోజు నివేతా థామస్ థియేటర్‌లో ప్రత్యక్షమై షాకిచ్చింది. అందరూ కామెంట్ కూడా చేశారు. కానీ థియేటర్‌లో జనం మధ్యన కాకుండా దూరంగా నిలుచుని వకీల్ సాబ్ సినిమా చూసి సంబరపడింది. ఈ సందర్భంగా తను కరోనా నుంచి కోలుకున్నాని… కొన్ని పాత్రలు మనకోసమే తయారవుతాని వకీల్ సాబ్‌లో నా పాత్ర చూస్తే అనిపించిందని చెప్పుకొచ్చింది. ఇక పవన్ కళ్యాణ్‌తో నటించడం చాలా స్పెషల్ అని చెప్పుకొచ్చింది.
