సూపర్ స్టార్ మహేష్ బాబు కి ఉన్న సెంటిమెంట్స్ తో కెరీర్ లో ఎన్నో బ్లాక్ బస్టర్స్ అందుకున్నాడు. ముఖ్యంగా మహేష్ నటిస్తున్న సినిమాలకి మూడక్షరాల సెంటిమెంట్ బాగా ఉంటుంది. దీన్ని మహేష్ చాలా గట్టిగా నమ్ముతాడు. అతడు, ఒక్కడు, అర్జున్, పోకిరి, మురారి, మహర్షి.. ఇలా ఎక్కువగా టైటిల్స్ లో మూడక్షరాలను చూసుకుంటాడు. అయితే బిజినెస్ మాన్ సినిమా నుంచి ఈ సెంటిమెంట్ కాస్త మారింది. శ్రీమంతుడు.. సరిలేరు నీకెవ్వరు లాంటి టైటిల్స్ తో కూడా భారీ సక్సస్ లు అందుకున్నాడు. ఇక సినిమాలో కాని బయట కాని మహేష్ ఎక్కువగా గళ్ళ చొక్కా వేసుకొనే కనిపిస్తుంటాడు. ఈ విషయం మహేష్ నటించిన సినిమాలు గమనిస్తే క్లియర్ గా అర్థమవుతుంది.
అలాగే కొన్ని సినిమాల అనౌన్స్ మెంట్ ని రిలీజ్ ని తండ్రి కృష్ణ బర్త్ డే రోజు రిలీజ్ చేస్తుంటాడు. త్వరలో సెట్స్ మీదకి వెళ్ళబోతున్న సర్కారు వారి పాట టైటిల్ పోస్టర్ ని కూడా అలాగే తన తండ్రి సూపర్ స్టార్ కృష్ణ బర్త్ డే సందర్భంగా మే 31 న రిలీజ్ చేశాడు. కాగా మహేష్ కొన్ని సూపర్ హిట్ సినిమాలు రిలీజైన డేట్ ని కూడా సెంటిమెంట్ గా భావిస్తుంటాడు. ఇప్పుడు అలానే సర్కారు వారి పాట విషయంలో ఆలోచిస్తున్నట్టు సమాచారం. మహేష్ కెరీర్ లో భారీ కమర్షియల్ హిట్ గా నిలిచిన చిత్రం కొరటాల శివ దర్శకత్వంలో వచ్చిన శ్రీమంతుడు. ఈ సినిమా 2015 ఆగస్టు 7 న రిలీజై సంచలన విజయాన్ని అందుకుంది.
అందుకే సర్కారు వారి పాట కూడా వచ్చే ఏడాది ఆగస్టు 7 న రిలీజ్ చేయాలని మహేష్ బాబు చూస్తున్నాడట. ఇప్పటికే ఈ సినిమా టైటిల్ పోస్టర్ ఆ తర్వాత వచ్చిన మోషన్ పోస్టర్ తో విపరీతమైన క్రేజ్ వచ్చింది. వరసగా బ్లాక్ బస్టర్స్ అందుకుంటున్న మహేష్ ఈ సినిమాతో పాన్ ఇండియన్ రేంజ్ లో భారీ హిట్ అందుకోవాలని చూస్తున్నాడు. ఇక దర్శకుడు పరశురాం ఈ సినిమాని యూనివర్సల్ పాయింట్ తో తెరకెక్కిస్తున్నాడు. కీర్తి సురేష్ హీరోయిన్ గా నటించబోతోంది. థమన్ సంగీతమందిస్తున్న ఈ సినిమా జనవరి నుంచి సెట్స్ మీదకి వెళ్ళబోతుండగా మహేష్ సొంత నిర్మాణ సంస్థ తో పాటు మైత్రీ మూవీ మేకర్స్.. 14 రీల్స్ ప్లస్ కలిసి నిర్మిస్తున్నారు.
