వారు సెలెబ్రిటీలు…ఎంతో మంది అగ్ర నాయకుల సినిమాలకు ఫైట్ మాస్టర్లుగా పని చేసారు.., కోట్లు పోగేశారు.., లక్జరిలో బతకాల్సిన వారు…, కానీ ఉన్న ఊరిని,జన్మనిచ్చిన ప్రాంతాన్ని ఏనాడూ మర్చిపోరు..ఎప్పుడు ఖాళీ దొరికినా వారి ఊరికి వచ్చేసి సాధారణంగా ప్రజలతో గడుపుతుంటారు.
వారే టాలీవుడ్ టాప్ ఫైట్ మాస్టర్లు “రామ్- లక్ష్మణ్”..!! తెలుగు,హిందీ ,తమిళ, మలయాళ, కన్నడ టాప్ హీరోలందరికీ వారు ఫైట్లు కంపోజ్ చేశారు.అద్భుతమైన ఫైట్ మాస్టర్లుగా పేరు తెచ్చుకున్నారు.కానీ వారు తొలి నుండి జన్మభూమిపై మక్కువ చూపుతారు.వీలు దొరికితే సమయం చిక్కితే వారు తమ స్వగ్రామానికి వస్తారు.
తాజాగా కరోనా కాటుతో పెద్ద సినిమాలకు బ్రేక్ పడటంతో సినిమా షూటింగ్ లు లేకపోవడంతో ప్రకాశం జిల్లా లోని కారంచేడు మండలం లోని తన స్వంత గ్రామమయిన నందిగుంట పాలెం కు చేరారు ఫైట్ మాస్టర్లు రామ్ లక్ష్మణ్.అయితే ఎప్పుడూ సినిమా షూటింగ్ లలో బిజీగా ఉండే వారు గ్రామస్తులతో కలిసి పలుగు,పారా పట్టారు వారిద్దరూ ఉపాధి హామీ కూలీలతో కలసి తమ పాత రోజులు గుర్తు చేసుకున్నారు. ఈ తరహా జీవనశైలిలో ఉన్న ఆనందం కోట్లలో మునిగితేలినా కనిపించదు అనేది వారి వాదన..!అంతేకాదు ఈ ప్రాంత ప్రజలు ఎవరు కష్టాల్లో ఉన్నా వారు చేతనైన సాయం కూడా చేస్తారు.
వారు వస్తున్నారంటే ఈ ప్రాంత ప్రజలు ఎంతో ఆనందంగా ఎదురుచూస్తుంటారు .ప్రస్తుతం ఆకాశం స్థాయిలో వారు ఉన్నప్పటికీ తమ పునాదులను మాత్రం మర్చిపోరు. అందుకే ఆ సోదరులు అందరికీ ఆదర్శప్రాయులని గ్రామస్తులు అభినందనల వర్షం కురిపిస్తున్నారు
