ఐపీఎల్ 2020 మ్యాచ్లను ఆన్లైన్లో స్ట్రీమ్ చేసేందుకు హాట్ స్టార్ హక్కులను కలిగి ఉన్న విషయం విదితమే. అందులో భాగంగా ప్రేక్షకులు హాట్ స్టార్ సబ్స్క్రిప్షన్ తీసుకోవాల్సి ఉంటుంది. అలా చేస్తేనే ఆన్ లైన్లో ఐపీఎల్ మ్యాచ్ లను చూడగలరు. అయితే ఐపీఎల్ టోర్నీ నేటి నుంచి ప్రారంభం కానున్న నేపథ్యంలో హాట్ స్టార్ బంపర్ ఆఫర్ను అందిస్తోంది.
హాట్ స్టార్ యాప్కు గాను 12 నెలల వీఐపీ సబ్స్క్రిప్షన్ ను తీసుకుంటే మరో 30 రోజుల పాటు.. అంటే మరో నెల పాటు సబ్స్క్రిప్షన్ ఉచితంగా లభిస్తుంది. అంటే.. 12 నెలల సబ్స్క్రిప్షన్ తీసుకుంటే 13 నెలల వరకు అది వర్తిస్తుందన్నమాట. అయితే ఈ ఆఫర్ను పొందాలంటే నటుడు దగ్గుబాటి రాణా తన ట్విట్టర్ ఖాతాలో షేర్ చేసిన ఓ లింక్ను సందర్శించి అందులో హాట్ స్టార్ యాప్కు వీఐపీ సబ్స్క్రిప్షన్ తీసుకోవాలి. ప్రస్తుతం ఆ సబ్స్క్రిప్షన్ ధర ఏడాదికి గాను రూ.399గా ఉంది. ఈ సబ్స్క్రిప్షన్ ను 12 నెలలకు తీసుకున్నాక అదనంగా మరొక నెల ఉచితంగా సబ్స్క్రిప్షన్ లభిస్తుంది. ఇక ఆ లింక్లో వెళ్లి రూ.399 చెల్లిస్తే ఈ ఆఫర్ను పొందవచ్చు. కాగా వినియోగదారులు ఆ లింక్లో యూపీఐ, డెబిట్ లేదా క్రెడిట్ కార్డు, నెట్ బ్యాంకింగ్ ద్వారా ఆ మొత్తాన్ని చెల్లించి హాట్స్టార్ వీఐపీ సబ్స్క్రిప్షన్ తీసుకోవచ్చు.
.@SonuSood & I have come together to make your Dream11 IPL special. Subscribe to @DisneyPlusHSVIP, this weekend& get not 12, but 13 months subscription. Dream11 IPL ki asli taiyyari #FanhitMeinJaari. Subscribe now <https://t.co/ytyP4iPCJu> @himankd @samyuktha_k @prashanthqed pic.twitter.com/XVzmBAHLsS
— Rana Daggubati (@RanaDaggubati) September 18, 2020
ఇక హాట్ స్టార్లో ప్రీమియం సబ్స్క్రిప్షన్ కూడా ఉంది. దీనికి ఏడాదికి రూ.1499 అవుతుంది. వీఐపీ సబ్స్క్రిప్షన్ లో యూజర్లకు డిస్నీ డబ్బింగ్ కంటెంట్ వస్తుంది. ఇంగ్లిష్ మూవీలు లభించవు. కానీ ప్రీమియం సబ్స్క్రిప్షన్ లో ఇంగ్లిష్ కంటెంట్ లభిస్తుంది. అదొక్కటే రెండింటికీ తేడా ఉంది. ఇక రెండింటిలో ఏ సబ్స్క్రిప్షన్ ను తీసుకున్నా ఐపీఎల్ మ్యాచ్ లను చూడవచ్చు. అయితే పైన తెలిపిన ఆఫర్ ఐపీఎల్ ఆరంభం సందర్బంగా కేవలం మరో వారం రోజులు మాత్రమే అందుబాటులో ఉండనుంది.