Chiranjeevi: టాలీవుడ్ మెగాస్టార్ చిరంజీవి పుట్టినరోజు ఆగస్టు 22 వ తారీకు అన్న సంగతి తెలిసిందే. సినిమా ఇండస్ట్రీ లో స్వయంకృషితో పైకి వచ్చి.. అప్పటికే ఇండస్ట్రీలో నిలదొక్కుకున్న హేమాహేమీలను దాటుకుని.. కష్టపడి టాలీవుడ్ బాక్సాఫీస్ శాసించే రీతిలో చిరంజీవి ఎదిగారు. తెలుగు సినిమా రంగంలో బీభత్సమైన ఫ్యాన్ పోలింగ్ కలిగిన హీరోగా చిరంజీవి.. టాలీవుడ్ బాక్స్ ఆఫీస్ రికార్డు సృష్టించడమే కాక తన కుటుంబంలో అనేకమంది కి సినీ కెరీర్ అందించారు. ఆ తర్వాత రాజకీయాల్లోకి వెళ్లి మళ్లీ సినిమా రంగంలో అడుగు పెట్టిన చిరంజీవి.. ప్రస్తుతం ఒకపక్క సినిమాలు చేస్తూ మరోపక్క ఇండస్ట్రీ పెద్దగా వ్యవహరిస్తూ కీలకంగా రాణిస్తున్నారు.
ఇదిలా ఉంటే వచ్చే ఆదివారం చిరంజీవి పుట్టినరోజు సందర్భంగా మెగా అభిమానులు భారి సంబరాలు చేయడానికి రెడీ అవుతున్నారు. ఈ తరుణంలో.. ఎన్టీఆర్ బుల్లితెరలో ” ఎవరు మీలో కోటీశ్వరుడు” అనే షో చేయడానికి ఆ రోజు ప్లాన్ చేసినట్లు సమాచారం. అయితే ఆదివారం నేపథ్యంలో చిరంజీవి పుట్టినరోజు సందర్భంగా చెర్రీతో ఈ గేమ్ ఎన్టీఆర్ ప్లాన్ చేసినట్లు.. ఆల్రెడీ టెలికాస్ట్ అయినట్లు వార్తలు వస్తున్నాయి. దాదాపు పాతిక లక్షలు ఈ గేమ్లో చరణ్ గెలిచినట్లు.. వాటిని అనాధ ఆశ్రమానికి చరణ్ రాసినట్లు చిరంజీవి బర్త్ డే కానుకగా ఎన్టీఆర్ – చరణ్ ఫ్యాన్స్ ని సర్ప్రైజ్ చేయడానికి.. ముందుగానే ప్లాన్ చేసి రెడీ అయినట్లు లేటెస్ట్ టాక్.
ఒకానొక సమయంలో అభిమానుల విషయంలో నందమూరి వర్సెస్ మెగా అనే వాతావరణం ఉండేది. అటువంటి ఘర్షణ వాతావరణం…మళ్లీ అభిమానుల మధ్య ఉండకుండా ఎన్టీఆర్ – చరణ్ కలిసి “RRR” చేయడంతో ఇప్పుడు నందమూరి మెగా అభిమానులు కలిసిపోయిన వాతావరణం చాలా వరకు కనబడుతుంది. ఇటువంటి తరుణంలో చిరంజీవి పుట్టినరోజు నాడు ఎన్టీఆర్ షో లో చరణ్ గెస్ట్ గా రావటం అనే వార్త సోషల్ మీడియాలో వైరల్ గా మారింది.
