NTR : దేశంలో ఎక్కడ చూసినా RRR మానియానే కనబడుతోంది. జూనియర్ NTR, రామ్ చరణ్, రాజమౌళి కాంబినేషన్లో తెరకెక్కిన ఈ సినిమా మార్చి 25న ఎంతో ప్రతిష్టాత్మకంగా విడుదలవుతోంది. ఈ చిత్రంపై పాన్ ఇండియా లెవెల్లో భారీ అంచనాలు వున్న సంగతి తెలిసిందే. ఇక తెలుగునాట అయితే పరిస్థితి మరింత గందరగోళంగా ఉంది. అభిమానుల్లో అంతులేని కోలాహలం నెలకొంది. థియేటర్ల వద్ద అప్పుడే పెద్ద సందడి నెలకొంది. ఫ్లెక్సీలు, కటౌట్లు ఏర్పాటు చేయడంలో తారక్, చరణ్ అభిమానులు మంచి బిజీగా ఉన్నారు.
NTR : ఇంతకీ యుద్ధం ఎక్కడ అంటే?
కోదాడలోని ఓ థియేటర్ వద్ద ఇరు అభిమానుల మధ్య ఉద్రిక్తత నెలకొంది. తారక్, చరణ్ అభిమానుల మధ్య ఘర్షణ చోటుచేసుకుంది. తారక్ ఫ్లెక్సీ కడుతుండగా చరణ్ అభిమానులు అడ్డుకోవడంతో ఘర్షణ మొదలైందని తెలుస్తోంది. ఈ ఘర్షణలో తీవ్ర మనోవేదనకు గురైన NTR అభిమాని ఒంటిపై పెట్రోల్ పోసుకుని ఆత్మహత్యాయత్నానికి పాల్పడ్డాడు. అయితే పక్కన ఉన్నవారు వెంటనే అలర్ట్ అయి అడ్డుకోవడంతో పెను ప్రమాదం తప్పింది.
అరెస్ట్ చేసిన పోలీసులు:
ఇక విషయం తెలిసిన పోలీసులు హుటాహుటిన థియేటర్ వద్దకు చేరుకుని పరిస్థితిని అదుపులోకి తెచ్చారు. ఇద్దరు హీరోలకు చెందిన కొందరు అభిమానులను పోలీసులు అదుపులోకి తీసుకున్నట్టు విశ్వసనీయ వర్గాల సమాచారం. అంతేకాకుండా స్టేషన్లో పోలీసులు వారికి కౌన్సిలింగ్ కూడా ఇచ్చారట. ఆ ఇద్దరు హీరోలకి లేని సమస్య మీకెందుకురా? అంటూ కొంచెం గట్టిగానే అదిలించారట.