NTR30: యంగ్ టైగర్ ఎన్టీఆర్ తన 30 వ చిత్రం విషయంలో నందమూరి అభిమానులను చాలా టెన్షన్ పెట్టిన విషయం తెలిసిందే. ముందు ఈ ప్రాజెక్టు త్రివిక్రమ్ శ్రీనివాస్ తో అని అనుకున్నారు. కానీ అఫీషియల్ గా మాత్రం వేరేలా వచ్చింది. ఎన్టీఆర్… కొరటాల శివ దర్శకత్వంలో తన 30వ చిత్రాన్ని చేయనున్నాడు.
ఇది ఎన్టీఆర్- కొరటాల శివ కాంబినేషన్లో రెండవ సినిమా. ముందు వీరిద్దరి కలయికలో వచ్చిన ‘జనతా గ్యారేజ్’ మంచి హిట్ సాధించింది. విశేషం ఏమిటంటే…. ఈ చిత్రాన్ని ప్రకటించిన రోజే రిలీజ్ డేట్ కూడా చెప్పేశారు. వచ్చే సంవత్సరం ఏప్రిల్ 29వ తేదీన ఈచిత్రం ప్రేక్షకుల ముందుకు రానున్నట్లు తెలిపారు.
నందమూరి కళ్యాణ్ రామ్ ఈ చిత్రానికి తారకరత్న ఆర్ట్స్ బ్యానర్ లో నిర్మించనున్నాడు. ఇతర తారాగణం, టెక్నీషియన్స్ వివరాలు ఇంకా తెలియాల్సి ఉంది. దీంతో మహేష్-త్రివిక్రమ్ ప్రాజెక్టు దాదాపు కన్ఫర్మ్ అయినట్లే అని ఇండస్ట్రీ వర్గాలు అనుకుంటున్నాయి.