ప్ర‌పంచంలో ఎవ‌రిని న‌మ్మాలో.. ఎవ‌రిని న‌మ్మొద్దో అసలు తెలియ‌డం లేదు. విద్య నేర్పాల్సిన టీచ‌ర్ల నుంచి బ్ర‌తికించాల్సిన డాక్ట‌ర్ల వ‌ర‌కూ చిట్టి చేతుల‌ను చిదిమేస్తున్నారు. త‌ల్లి ఒడి తప్పించి చిట్టిచేతుల‌ను కాపాడే మ‌నుషులే క‌నిపించ‌డంలేదు. అభం శుభం ఎర‌గ‌ని చిన్నారుల‌ను చూస్తే ఎంతో ముద్దోస్తారు క‌దూ.. కానీ కొంద‌రికి ఏ మాయ రోగం పుడుతుందో తెలియదు కానీ.. చిన్న పిల్ల‌ల‌ను పొట్ట‌న పెట్టుకుంటున్నారు.
చిన్న పిల్ల‌ల‌ను పొట్ట‌న పెట్టుకోవ‌డానికి వారికి పెద్ద‌గా రీజ‌న్లు ఏమీ అవ‌స‌రం లేద‌ని వారిని ప‌రిశోధించిన వారు చెబుతున్నారు. అయితే ఇలాంటి ఘ‌ట‌నే మళ్లీ ఒక‌టి జ‌రిగింది. ప్రాణాలు పోయాల్సిన న న‌ర్సు.. అప్పుడే పుట్టిన చిన్న పిల్ల‌ల‌ను చంపేస్తోంది. ఆ నర్స్ ప‌నిచేస్తున్న హాస్పిట‌ల్ లోనే ఇప్ప‌టివ‌ర‌కు 8మంది చిన్నారుల‌ను చంపేసింది. ఇంకో 10 మంది చిన్నారుల ప్రాణాల‌ను తీయ‌డానికి చూసింది.
ఎట్ట‌కేల‌కు విష‌యం తెలుసుకున్న పోలీసులు ఆమెను ప‌ట్టుకున్నారు. ఇప్పుడు జైల్లో ఊచ‌లు లెక్క‌పెట్టేలా చేశారు. ఈ ఘ‌ట‌న జ‌రిగింది మ‌న దేశంలో కాదు. ఇంగ్లండ్‌లోని నార్త్‌వెస్ట‌ర్న్ ఇంగ్లిష్ సిటీలో జ‌రిగింది. ఆ ప్రాంతంలోని ఒక హాస్పిటల్లో లూసీ లెట్ బే అనే న‌ర్సు ప‌నిచేసేది. హాస్పిటల్లో అప్పుడే జ‌న్మించిన చిన్నారుల‌ను పొట్ట‌న పెట్టుకునేది. దీనిపై పోలీసులు ఆమెను అరెస్ట్ చేశారు.
2015 నుంచి 2016 వ‌ర‌కు ఆ నర్స్ కౌంటెస్ ఆఫ్‌ చెస్ట‌ర్ హాస్పిట‌లో నియోన‌ట‌ల్ యూనిట్‌లో ప‌ని చేస్తూ.. 8 మంది చిన్నారుల‌ను పొట్ట‌న పెట్టుకుంది. ఇంకో 10 మంది చిన్నారుల‌ను చంపేసేందుకు ప్ర‌య‌త్నం చేసింది.ఈ విష‌యాల‌న్ని పోలీసుల విచారణలో భ‌య‌ట ప‌డ్డాయి. అయితే ఆమెను ఈరోజు కోర్ట్ లో హాజ‌రు ప‌రుచ‌నున్నారు. ఆమెపై 2018, 2019లోకూడా ఇవే ఆరోప‌ణ‌లు ఉన్నాయి. దాంతో ఆమెను పోలీసులు అదుపులోనికి తీసుకున్నారు. అయితే ఆరోప‌ణ‌లు నిరుపించ‌క‌పోవ‌డంతో ఆమెను విడుద‌ల చేశారు.
