Ola Electric scooter : ప్రముఖ రైడ్ – హెయిలింగ్ ఓలా ఎలక్ట్రిక్ స్కూటర్ రిటైలింగ్ లోకి ప్రవేశిస్తున్న సంగతి అందరికీ తెలిసిందే.. ఓలా ఎలక్ట్రిక్ భారత మార్కెట్ కోసం కొత్త ఎలక్ట్రిక్ స్కూటర్ తయారు చేస్తోంది.. ఈ స్కూటర్ ను మార్కెట్లో విడుదల చేసేందుకు సన్నాహాలు చేస్తోంది.. తాజాగా బ్లాక్ అండ్ వైట్ క్యామోప్లేజ్ చేసిన ఎలక్ట్రిక్ స్కూటర్ ను భారత రోడ్లపై పరీక్షిస్తుంది..
Ola Electric scooter నెదర్లాండ్స్కు చెందిన ఎటర్గో బివి ఎలక్ట్రిక్ స్కూటర్ తయారీ సంస్థ ను కొనుగోలు చేసింది. ఎటర్గో తయారుచేసిన యాప్ స్కూటర్ ఆధారంగా ఓలా ఎలక్ట్రిక్ స్కూటర్ తయారు చేశారు . హెడ్ లైట్, బేసిక్ డిజైన్ చూస్తే ఇదే స్పష్టమవుతోంది. తమిళనాడు లో ఒక ప్లాంట్ ను కూడా ఏర్పాటు చేసేందుకు సీమెన్స్ సంస్థ తో ఒప్పందాన్ని ఏర్పరుచుకుంది.
ఈ Ola Electric scooter స్కూటర్ లో ఉపయోగించిన ఎలక్ట్రిక్ స్వాపబుల్ బ్యాటరీల సాయంతో ఇది గంటకు 100 కిలోమీటర్ల గరిష్ట వేగంతో దూసుకెళ్తు ఉంటుందని సమాచారం. ఇందులో లిథియం అయాన్ బ్యాటరీలు పూర్తి చార్జింగ్ పై 240 కిలోమీటర్ల వరకు రేంజ్ ను ఇస్తుంది. ఈ ఎలక్ట్రిక్ స్కూటర్ కేవలం 3.9 సెకండ్లలోనే గంటకు 45 కిలోమీటర్ల వేగాన్ని చేరుకుంటుంది. దీని ధర రూ.1 లక్ష వరకు ఉండొచ్చని అంచనా. భారతదేశం లో ఎలక్ట్రిక్ స్కూటర్ లను అందించే ఈధర్ ఎనర్జీ , హీరో ఎలక్ట్రిక్, ఒకినావా, బజాజ్ ఆటో వంటి వాటికి మంచి ప్రత్యర్థిగా నిలవ నుంది.