నారింజ పండ్లతో అందంతో పాటు అధిక బరువును కూడా తగ్గించుకోవచ్చు అని న్యూట్రీషియన్లు అంటున్నారు. అధిక బరువు కలిగివున్న వారు ఎక్సర్సైజ్ చేయడం, వర్కవుట్స్ చేయడం మాత్రమే కాకుండా కొన్ని రకాల ఆహార పదార్థాలను తీసుకోవడం వలన కూడా తేలికగా బరువు తగ్గొచ్చు. అందుకే నారింజను మీ డైలీ డైట్లో భాగంగా చేసుకోండి.
నారింజతో జీర్ణక్రియ సమస్యలు దూరం అవుతాయి. ముఖ్యంగా ఎక్కువ ఆహారం తీసుకున్న వెంటనే నారింజ పండుని తినడం వల్ల తీసుకున్న ఆహారం చాలా త్వరగా జీర్ణమవుతుంది. అధిక బరువుకి ముఖ్య కారణం జీర్ణక్రియ సమస్యలే. జీర్ణక్రియ సమస్యలకి నారింజ పండు చెక్ పెడుతుంది. కాబట్టి నారింజ పంచుని తినడం వల్ల ఆ సమస్యలు దూరం అయ్యి అధిక బరువు తగ్గుతుంది.
నారింజ పండ్లల్లో ఎక్కువగా విటమిన్ ఏ మరియు విటమిన్ సి ఉంటాయి. విటమిన్ ఏ మన కంటి చూపుని మెరుగుపరుస్తుంది. కాబట్టి పెద్ద వయసు వారు దీనిని తీసుకోవడం చాలా మంచిది. చిన్నప్పటి నుంచే ఈ పండ్లని తీసుకోవడం వల్ల దృష్టి సమస్యలు చాలా వరకూ దూరం అవుతాయి మరియు ఇతర కంటి సమస్యలు కూడా రాకుండా ఉంటాయి. చర్మం కూడా ఎప్పుడు తాజాగా మరియు మెరుస్తూ ఉంటుందని ఆయుర్వేద నిపుణులు చెబుతున్నారు.
నారింజ పండులో ఫైబర్ అధికంగా ఉంటుంది. ఒక నారింజ పండులో అధికంగా 3.1 గ్రాముల ఫైబర్ ఉంటుంది. ఈ ఫైబర్ కంటెంట్ వలన మీ కడుపు ఎక్కువ సమయం పాటు నిండిన అనుభూతిని కలిగి ఉంటారు.