అగ్రరాజ్యం అమెరికా లో అధ్యక్షుడు ప్రమాణ స్వీకారం ఎంత అట్టహాసంగా అంగరంగవైభవంగా జరగాలి? దాదాపు పది లక్షల మంది ప్రజలు సాధారణంగా ఈ కార్యక్రమానికి హాజరవుతారు. అయితే ఈసారి మాత్రం ఈ కార్యక్రమం నిరాడంబరంగా జరగనుందని సమాచారం.
ఎన్నో అనూహ్య పరిస్థితులు, సంచలన ఘటనల మధ్య కొత్త అధ్యక్షుడిగా ఎన్నికైన బైడెన్ చాలా సింపుల్ గా ప్రమాణ స్వీకారం చేస్తారట. ప్రపంచంలోనే అత్యధికంగా కరోనా వైరస్ కేసులు అమెరికా లోనే నమోదైన విషయం తెలిసిందే. ఇలాంటి పరిస్థితుల్లో లక్షలాదిమందికు ఈ వేడుక ద్వారా వైరస్ ప్రబలే అవకాశం ఉందని ఈ నిర్ణయం తీసుకున్నట్లు చెబుతున్నారు.
ఇక 20వ తేదీన జరగబోయే ప్రమాణ స్వీకారం కి అతి తక్కువ సమయం ఉంది ఇక ఆ సమయం ఉండడం కూదా మరో కారణం. అంతే కాకుండా ఇంటెలిజెన్స్ కూడా ముప్పు ఉన్నట్లు హెచ్చరించింది. ప్రధాన రోడ్లు మూసివేస్తున్నారు. రెండు రోజులపాటు బ్రిడ్జిలు కూడా క్లోజ్ చేస్తున్నారు. రెండు లక్షల మంది నేషనల్ గార్డ్ అత్యంత అప్రమత్తంగా సెక్యూరిటీని పర్యవేక్షించబోతున్నారు.
ప్రధాన వేదిక మీద మాజీ అధ్యక్షులు బిల్ క్లింటన్, జార్జ్ బుష్, ఒబామా ఆసీనులు అవుతారు. ఇక ఈ కార్యక్రమంలో లేడిగాగా జాతీయ గీతం ఆలపిస్తారు. మాజీ అధ్యక్షుడు ట్రంప్ స్వీకారానికి హాజరయ్యే అవకాశం లేదు. ఇక ఎటువంటి హడావుడి లేకుండా అమెరికా అధ్యక్షుడు ప్రమాణ స్వీకారం జరిగిపోతుంది అన్నమాట.