Betel Leaf: భారతీయులు తమలపాకులను విరివిగా ఉపయోగిస్తుంటారు.. పూజ దగ్గర మొదలుకుని తాంబూలం వరకు వీటిని ఎక్కువగా వాడుతుంటారు.. కిల్లి వేసుకోవడం మనలో చాలా మందికి అలవాటే.. పైగా ఆరోగ్యానికి మంచిది కూడా.. అదే తమలపాకులో పచ్చకర్పూరం కలిపి కిళ్లీ వేసుకుంటే..!? ఏం జరుగుతుందో ఇప్పుడు చూద్దాం..!!
రాత్రి సమయం లో లేటుగా నిద్రపోయి ఉదయం త్వరగా నిద్ర లేచే వారి సంఖ్య రోజు రోజుకు పెరుగుతుంది. దీని వలన కళ్ళు తిరగడం, చెమటలు పట్టడం, వికారం, ఎసిడిటి, మలబద్ధకం వంటి సమస్యలు వస్తున్నాయి. ఈ సమస్యకు చెక్ పెట్టాలంటే.. ఒక తమలపాకు తీసుకొని అందులో పచ్చకర్పూరం పలుకును పొడిగా చేసి వెన్న లేదంటే మంచి గంధంతో కలిపి కిళ్లీ చుట్టాలి. ఈ కిళ్లీని నమిలి తింటూ వచ్చే రసాన్ని మింగాలి. ఇలా తినడం వలన కళ్ళు తిరగడం, చెమటలు పట్టడం, వికారం , మలబద్ధకం, ఎసిడిటీ వంటి సమస్యలు తగ్గుతాయి. అంతేకాకుండా శరీరంలో వేడి తగ్గుతుంది.
నేత్ర సమస్యలు ఉన్నవారికి ఈ కిల్లి అద్భుతంగా సహాయపడుతుంది. కళ్ళు దురదలు, కంటి నుంచి నీరు కారడం, కళ్లు ఎర్రబడటం, తలనొప్పి వంటి సమస్యలను తగ్గిస్తుంది. అధిక రక్తపోటును నియంత్రణలో ఉంచుతుంది. శరీరంలో పేరుకుపోయిన విష పదార్ధాలను తొలగిస్తుంది. కొలెస్ట్రాల్ ను కరిగిస్తుంది. ఫలితంగా బరువు తగ్గవచ్చు. ఎండాకాలంలో ఈ కిళ్లీ ను వేసుకుంటే దాహార్తి, అధిక దప్పిక, ఎండ దెబ్బ, డీహైడ్రేషన్ సమస్యలు రాకుండా చేస్తుంది. ఈ ఆయుర్వేద చిట్కా ప్రయత్నించే ముందు ఒకసారి ఆయుర్వేద వైద్యుల సలహా తీసుకోవడం మంచిది.