Children: మీకు 20 ఇయర్స్ ఉన్నాయా ?జాబ్ కూడా చేస్తున్నారా?లేదా ఇంకా చదువుదామనుకుంటున్నారా ? వాటి కన్నా ముందు నేర్చుకోవాల్సిన విషయాలు కొన్నిటి గురించి తెలుసుకుందాం. . ఇక అసలు విషయానికి వస్తే అమ్మాయి అయినా అబ్బాయి అయినా ఇరవై ఏళ్ళు దాటికూడా పక్కదుప్పట్లు మడత పెట్టని వాళ్ళు, మడతపెట్టడం రాని వాళ్ళు, తిన్న పళ్లెం కడగని వాళ్ళు, మీ బట్టలు మీరు ఉతుక్కోలేని వాళ్ళు,(మెషిన్ ఉన్న లేకున్నా ఉతుక్కోవడం కచ్చితం గా వచ్చి తీరాలి).
ఇస్త్రి చేసుకోవడం రాని వాళ్ళు , మీ రూమ్ మీరు సర్దుకోలేని వాళ్ళు, కనీసం అన్నం వండుకోవడం రాని వాళ్ళు, ఆమ్లెట్ లేదా పప్పు చేసుకోవడం కూడా రానివాళ్లు,బయటకు వెళ్లి కూరలు,పళ్ళు కొనడం తెలియని వాళ్ళు , కంది పప్పు కు సెనగ పప్పు కు తేడా తెలియని వాళ్ళు.. బటన్స్ కుట్టు ట్టుకోవడం రాని వాళ్ళు,చిన్న చిరుగుని కూడా కుట్టడం తెలియని వాళ్ళు, పువ్వులు కట్టడం రాని వాళ్ళు ,చిన్న దెబ్బకి ఫస్ట్ ఎయిడ్ ఏమి చేయాలో కూడా తెలియని వాళ్ళు, మీలో ఎంతమంది ఉంది ఉంటారు??? పయిన చెప్పినవన్నీ మనిషి జీవితం లో కనీస అవసరాలను తీర్చేవే.. ఒక మనిషిగా 20 వయసులో పయిన చెప్పినవి ఏ ఒక్కటి రాకపోయినా కూడా అలోచించి నేర్చుకునే విధంగా అడుగులు వేయండి.
ఇప్పటి వరకు మాకు చదువులతో సరిపోయింది అంటారా నిజానికి ఈ పనులన్నీ 7,8 సంవత్సరాల నుండి నేర్చుకోవాలిసినవి. మాకు పనివాళ్ళు ఉంటారు… మెషిన్ ఉంది లేదా ఫుడ్ ఆర్డర్ చేసుకోగలం అంటారా?? సరే మీరు చెప్పిన విషయం గురించి ఒకసారి ఆలోచిద్దాం.. మరి కరోనా లో పరిస్థితి ఏమిటి ??పని వాళ్ళు ఎక్కడ ఉన్నారు?ఫుడ్ ఆర్డర్ పెట్టుకోవడానికి ఏవి కూడా అందుబాటులో లేవు కదా.. ఎక్కడి వాళ్ళు అక్కడే ఉండి పోవలిసి వచ్చింది… అలాంటి సమయంలో మీరు ఒక్కరే ఇంట్లో ఉన్నారు.. మీకు ఏమి చేతకావు అనుకుందాం అప్పుడు పరిస్థితి ఏమిటి ?కాబట్టి పరిస్థితులు ఎప్పుడు ఎలా ఉంటాయో మనం ఊహించలేము … కనీస అవసరాలు తీరడం కోసం కొన్ని పనులు కచ్చితం గా నేర్చుకుని తీరవలిసిందే.. అని మరువకండి…
తల్లిదండ్రులు కూడా ఈ విషయం మీద దృష్టి పెట్టాల్సిందే.. వయసుకు తగ్గట్టు పనులు నేర్పండి… అన్ని మీరే చేసేయడం వలన పిల్లలు జీవితం లో చాల నష్టపోతారరని గుర్తు పెట్టుకోండి.. ఆస్తులు ఇవ్వక పోయిన పర్వాలేదు కానీ ..ఆత్మస్థైర్యాన్ని ఇవ్వండి. అది ఉంటే పిల్లలు ఎలాంటి పరిస్థితులు అయినా ఎదురుకుని బ్రతకగలుగుతారు..