Children:పెద్దలు పని ఒత్తిడి ఉన్నప్పుడు పిల్లలు కాస్త అల్లరి చేసిన..వారిని కోప్పడడం అనేది సహజం. పిల్లల కు అల్లరి చేయడం మాత్రమే తెలుసు ఎప్పుడు చేయాలి ఎప్పుడు చేయకూడదు అనేది వారికి అస్సలు తెలియదు అని గుర్తు పెట్టుకోవాలి. మరి వాళ్లు స్కూల్స్ లేక ఇంటి పట్టునే ఉంటున్న ఈ రోజుల్లో అల్లరి మరింత పెరిగే అవకాశం ఉంది. అలాగే వారిపై మితిమీరిన కోపం తెచ్చుకున్న అతిగా కట్టడి చేయడం అనేది ఎవరికీ మంచిది కాదు. ఒకప్పుడు స్కూల్,హోమ్‌ వర్క్, ఆటల తో తీరిక లేక అలసిపోయి నిద్ర పోయేవారు.
కానీ ఇప్పుడు.. ఇల్లే స్కూల్ చేసుకుని పాఠాలు నేర్చుకుని, ఆట స్థలం గా బాల్కనీ ని వాడుకుంటున్నారు. స్నేహితులతో కలిసే అవకాశాలు కూడా దూరమైనాయి. రోజంతా ఇంట్లో ఉండడం వలన చాలా సమయం ఖాళీ గా గడపాల్సి వస్తుండటంతో అల్లరి ఎక్కువగా ఉంటుంది. దానిని బాగా అర్థం చేసుకోవాల్సి ఉంటుంది.
వారు ఏం చేయదల్చుకున్నారో అది చేయనిస్తూ దాన్ని గమనిస్తూ ఉండండి. కంటి ముందు ఉన్నారు కదా అని.. ఎక్కువగా ఫోకస్‌ పెట్టడం వల్ల.. వారు మీ దగ్గరే ఉన్నా కూడా ఒంటరిగా ఉన్నామనే భావన కు లోనవుతారు.
మీ ఉద్యోగం లో ఏమైనా చికాకులు ఉంటే వాటిని ఇంట్లో వాళ్లపై చూపించకండి. ఆ చికాకుతో ఎదుటివారిపై గట్టిగా అరిస్తే దాని వలన ఎలాంటి ప్రయోజనం ఉండదు. అనుకోకుండా పిల్లలతో ఎక్కువ సమయం గడిపే అవకాశం దొరికినందుకు సంతోషంగా భావించి సమయాన్ని సద్వినియోగం చేసుకోండి.
వారి ఇష్టాఇష్టాలను, వారి మాటల్లో ఉండే భావాలను అర్థం చేసుకోండి. వారితో కలిసి ఆడుకోండి.వారికీ మీరే పాఠాలు చెప్తూ హోమ్‌వర్క్‌లు చేయించండి. సాయంత్రం ఇష్టమైన స్నాక్స్‌ చేసిపెట్టండి. ఇలా చేయడం వల్ల ఒత్తిడి దూరమై..ప్రశాంత కలుగుతుంది. వారికి బోలెడంత ప్రేమ దక్కుతుంది.
