టీడీపీ నేత, మాజీ మంత్రి, ఎమ్మెల్యే కింజరాపు అచ్చెన్నాయుడు అరెస్ట్‌ వ్యవహారంపై జనసేన పార్టీ స్పందించటం కొందరు జన సైనికులకే నచ్చడం లేదు . టీడీపీ వాళ్ళు అవినీతిలో ఇరుక్కుని అరెస్ట్‌ అయితే మనకేంటి సంబంధం.? అదేమైనా స్టేట్‌ సమస్యా.? మన పార్టీ సమస్యా.?’ అంటూ జనసైనికుడొకరు స్పందించారు , అతని స్పందన కరక్ట్ గా లేదని మరికొందరు జనసేన సపోర్టర్ లు ఖండిస్తున్నారు.. ఆ ప్రకటన క్యాడర్‌ని గందరగోళానికి గురిచేసేలా వుంది’ అని అదే జనసైనికుడు అనడం తో వ్యవహారం కాస్త సీరియస్ గా మారింది. అచ్చెన్నాయుడు అరెస్టు కాగానే జనసేన
పార్టీ ముఖ్య నేత నాదెండ్ల మనోహర్‌ పేరుతో ఓ పత్రికా ప్రకటన వచ్చింది. అందులో, అచ్చెన్నాయుడి అరెస్ట్‌ని సమర్థించలేదు, వ్యతిరేకించలేదు కూడా. అవినీతిపరులపై చర్యలు తీసుకోవాల్సిందేనని చెబుతూనే, అరెస్టులు కుట్ర పూరితంగా వుండకూడదని మాత్రం జనసేన అభిప్రాయపడింది. అయితే, ఈ ప్రెస్‌నోట్‌పై జనసైనికుల్లో భిన్నాభిప్రాయాలు వ్యక్తమవుతున్నాయి.ఈ ప్రెస్ నోట్ వల్ల జనసేన టీడీపీ బి-టీం అని, జనసేన కి ప్యాకేజీ అందింది అని వైసీపీ చేసే ప్రచారానికి పార్టీనే అనవసరం గా ఛాన్స్ ఇచ్చినట్టు అవుతుందని కొంతమంది జనసైనికులు వాదిస్తున్నారు , మరికొందరు ఇదే సరైన పద్దతి అంటున్నారు. అందుకేనేమో, సాయంత్రానికి జనసేన పార్టీ అధినేత పవన్ కళ్యాణ్‌ పేరుతో ఇంకో ప్రకటన వచ్చింది. ‘మనకు బీజేపీతో తప్ప ఎవరితోనూ పొత్తు లేదు..’ అని పవన్ కళ్యాణ్‌ ఆ ప్రకటనలో స్పష్టతనిచ్చారు. లాజికల్ గా చూస్తే నాదెండ్ల ద్వారా వచ్చిన మాటలు పెర్ఫెక్ట్ గానే ఉన్నాయి. అరస్ట్ అన్యాయం అని చెబుతూనే , ESI స్కామ్ విషయం అన్నీ విషయాలూ బయటకి లాగడం ఇంపార్టంట్ అన్నారు ఆయన .. దానికే జనసైనికుల్లో కొందరికి కోపం రావడం ఆశ్చర్యంగా అనిపిస్తోంది.
మరొక పక్క .. ఇదిలా వుంటే, జనసేన నేత నాగబాబు, తాజా రాజకీయ పరిణామాలపై ఆసక్తికరమైన విధంగా ట్వీట్‌ చేశారు. ‘టీడీపీ హయాంలో టీడీపీ నాయకురాలిని సోషల్‌ మీడియాలో ఏదో అన్నారని మా జనసేన కార్యకర్తల మీద దొంగ కేసులు పెట్టి అరెస్ట్‌ చేసి, వాళ్ళని గొడ్డును బాదినట్లు బాది, అంత హింస పెట్టిన టీడీపీ,
పాపం అంత తేలిగ్గా పోతుందా.? మీరు మా జనసైనికులకు చేసింది అంత తేలిగ్గా మర్చిపోం..’ అని నాగబాబు ట్విట్టర్‌లో పేర్కొన్నారు. ఇప్పుడు ఈ ట్వీట్‌ వైరల్గా మారింది.ఇది కూడా బాలయ్య నాగబాబులు మధ్య వైర౦లోంచి పుట్టిన ట్వీటే నని చెప్పవచ్చు.
