ఆంధ్రప్రదేశ్ రాష్ట్రంలో నేతలు వరుసగా అరెస్టులు కావడంతో రాజకీయ పరిణామాలు ఒక్కసారిగా మారిపోతున్నాయి. అచ్చెన్నాయుడు అరెస్ట్ వ్యవహారంలో జనసేన అధినేత పవన్ కళ్యాణ్ అన్నయ్య నాగబాబు వైసిపి కి మద్దతు రీతిలో కామెంట్లు చేయడం జరిగింది. తెలుగుదేశం పార్టీ హయాంలో జనసేన పార్టీ సోషల్ మీడియా అభ్యర్థులను తీవ్ర స్థాయిలో వేధించారు, ఇప్పుడు మీరు చేసిన కర్మ మిమ్మల్ని వెంటాడుతోంది అంటూ తాజాగా టీడీపీ నేతల అరెస్టు పై నాగబాబు వ్యాఖ్యానించారు.
ఇటీవల టాలీవుడ్ ఇండస్ట్రీలో భూముల వ్యవహారంలో చిరంజీవిని ఉద్దేశించి బాలకృష్ణ చేసిన వ్యాఖ్యలతో తీవ్రస్థాయిలో ఫైర్ అయిన నాగబాబు అప్పటి నుండి కొద్దిగా వైసీపీ కి అనుకూలంగా మాట్లాడుతున్నట్లు పరిస్థితులు కనబడుతున్నాయి. రాజకీయంగా మాత్రమే వైసీపీ ని విమర్శించడం తప్ప జగన్ కార్యక్రమాలు పర్లేదు అని సానుకూలంగా మాట్లాడటం జరిగింది. వైద్యరంగంలో మరి కొన్ని విషయాలో జగన్ ఐడియాస్ బాగున్నాయి అని బహిరంగంగానే ఇంటర్వ్యూలో నాగబాబు జగన్ ని సపోర్ట్ చేసినట్లు కామెంట్ చేయడం జరిగింది.
ఇప్పుడు తాజాగా అవినీతిపరులను వైసిపి అరెస్టు చేయడంలో తప్పు లేదు అన్నట్టు నాగబాబు సోషల్ మీడియాలో మాట్లాడటంతో జనసేన కార్యకర్తలు కన్ఫ్యూజన్ లో ఉంటున్నారట. కారణం జనసేన అధ్యక్షుడు పవన్ కళ్యాణ్… వై.ఎస్ జగన్ కి వ్యతిరేకంగా బీజేపీ తో చేతులు కలిపి రాజకీయాలు చేస్తుంటే, మరోపక్క నాగబాబు టీడీపీకి వ్యతిరేకంగా వైఎస్ జగన్ కి అనుకూలంగా మాట్లాడటంతో అసలు జనసేన పార్టీలో ఏం జరుగుతుందో అన్న కన్ఫ్యూజన్ పార్టీ కార్యకర్తలలో నెలకొన్నట్లు ఏపీ రాజకీయాల్లో టాక్.