Pawan Kalyan : సినిమా ఇండస్ట్రీలో పవన్ కళ్యాణ్ భక్తుడిగా వీరాభిమానిగా నిర్మాత బండ్ల గణేష్ కి మంచి క్రేజ్ ఉంది. బండ్ల గణేష్ స్పీచ్ అంటే పవన్ కళ్యాణ్ అభిమానులు పడిచస్తారు. పరమేశ్వర ఆర్ట్స్ ప్రొడక్షన్స్ అధినేతగా బండ్ల గణేష్ చాలా సినిమాలను నిర్మిస్తూ ఇటీవల మళ్లీ సినిమాల్లోకి కం బ్యాక్ అవ్వడం జరిగింది. మహేష్ నటించిన సరిలేరు నీకెవ్వరు సినిమా లో కమెడియన్ గా రాణిస్తూ ప్రస్తుతం పలు సినిమాలు చేస్తూ ఉన్నారు. మహేష్ సినిమా ద్వారా రీ ఎంట్రీ ఇచ్చినా గానీ బండ్ల గణేష్ కి సరైన గుర్తింపు దక్కలేదు. చేసిన పాత్రకు ప్రశంసలకు బదులు ట్రోల్స్ వచ్చాయి.
ఇటువంటి తరుణంలో హీరో గోపీచంద్ నటిస్తున్న పక్కా కమర్షియల్ సినిమాలో మళ్లీ కమెడియన్ గా తన సత్తా చాటడానికి అదృష్టాన్ని పరీక్షించుకోవటానికి బండ్ల గణేష్ రెడీ అయినట్లు ఫిల్మ్ నగర్ టాక్. మేటర్ లోకి వెళ్తే డైరెక్టర్ మారుతి గోపీచంద్ తో తీయబోయే సినిమాలో మెయిన్ కమెడియన్ పాత్రలో బండ్లగణేష్ నటిస్తున్నట్లు వార్తలు వస్తున్నాయి. వాస్తవానికి మారుతి చివరిగా చేసిన ప్రతి రోజు పండుగ సినిమాలోని బండ్ల గణేష్ నటించాల్సి ఉండగా అప్పుడు కొన్ని కారణాల వల్ల అది కుదరలేదట.
కానీ ఈసారి మారుతి పట్టుబట్టి బండ్ల గణేష్ కి సపరేట్ క్యారెక్టర్ క్రియేట్ చేసినట్లు, దీంతో బండ్ల పూర్వ వైభవంతో సత్తా చాటే సినిమా చేయబోతున్నట్లు ఇండస్ట్రీలో వార్తలు వైరల్ అవుతున్నాయి. రాజకీయంగా అదేవిధంగా నిర్మాణపరంగా చాలావరకూ లాస్ కావడంతో బండ్ల గణేష్ తనకంటూ సెపరేట్ గుర్తింపు తెచ్చిన కమెడియన్ పాత్రలతో మళ్లీ సత్తా చాటాలని వచ్చిన ప్రతి అవకాశాన్ని సద్వినియోగం చేసుకోవడానికి రెడీ అవుతున్నట్లు ఫిల్మ్ నగర్ టాక్.