వకీల్ సాబ్ ..టాలీవుడ్ లో ప్రస్తుతం తెరకెక్కుతున్న మోస్ట్ అవైటెడ్ మూవీస్ లో వకీల్ సాబ్ ఒకటి. అజ్ఞాతవాసి సినిమా తర్వాత మళ్ళీ పవన్ కళ్యాణ్ నుంచి సినిమా రాలేదన్న సంగతి తెలిసిందే. పవర్ స్టార్ సినిమాని చూసి దాదాపుగా మూడు సంవత్సరాల గ్యాప్ వచ్చేసింది. దాంతో ఫ్యాన్స్ మాత్రమే కాదు దేశం అంతా పవన్ కళ్యాణ్ సినిమా కోసం ఎంతో ఆతృతగా ఎదురుచూస్తున్నారు. ఇక పవన్ కళ్యాణ్ నటిస్తున్న లేటెస్ట్ సినిమా వకీల్ సాబ్ కి వేణు శ్రీరామ్ దర్శకత్వం వహిస్తున్నాడు.
కాగా వకీల్ సాబ్ లో పవన్ కళ్యాణ్ పవర్ ఫుల్ లాయర్ పాత్రతో ఇండస్ట్రీలోకి గ్రాండ్ రీఎంట్రీ ఇస్తున్న సంగతి తెలిసిందే. దాంతో ఈ సినిమా మీద భారీ అంచనాలు పెరుగుతున్నాయి. ఒకరకంగా ఈ సినిమాలో మెప్పించడం చాలా కష్టమన్న టాక్ వినిపిస్తోంది. అందుకు కారణం వకీల్ సాబ్ స్ట్రైట్ సినిమా కాకపోవడమే. బాలీవుడ్ లో సూపర్ హిట్ అయిన పింక్ సినిమాకు రీమేక్ గా వకీల్ సాబ్ తెరకెక్కుతోంది. అక్కడ బిగ్ బి అమితాబ్ బచ్చన్ పోషించిన పాత్రలో కనిపించబోతున్నాడు. అలాగే ఇదే సినిమాలో అజిత్ నటించాడు. బాలీవుడ్ లో అమితాబ్, కోలీవుడ్ లో అజిత్ ప్రేక్షకులను బాగా మెప్పించారు.
అందుకే ఇప్పుడు అందరి చూపు పవన్ కళ్యాణ్ మీదే పడింది. మరి ఆ అంచనాలను పవన్ కళ్యాణ్ అందుకుంటాడా లేదా అన్న హాట్ టాపిక్ కూడా సాగుతోంది. ఇక ఈ సినిమాలో నివేదా థామస్, అంజలి, అనన్య నాగళ్ళ ముఖ్య పాత్రలు పోషిస్తున్నారు. శృతిహాసన్ కీలక పాత్రలో కనిపించనుంది. అయితే వకీల్ సాబ్ ఫస్ట్ లుక్ నుండి పవర్ స్టార్ సోషల్ మీడియాలో ట్రెండ్ అవుతూనే ఉన్నారు. రాజకీయాలలో ఉన్నప్పుడు పవన్ కళ్యాణ్ లుక్ ఎలా ఉందో తెలిసిందే. అయితే ఆ లుక్ విషయంలో ఫ్యాన్స్ కొంత టెన్షన్ పడారు. సినిమాలలో ఎలా కనిపిస్తాడో అని కంగారు పడ్డారు. కాని వకీల్ సాబ్ లేటెస్ట్ పిక్స్ తో ఫ్యాన్స్ తో పాటు ప్రేక్షకుల్లో కూడా ఫుల్ ఎనర్జీ వచ్చేసింది.
