Pawan Kalyan: పవన్ కల్యాణ్ Pawan Kalyan సినిమా వస్తుందంటే ఫ్యాన్స్ క్రేజ్ పీక్స్ లో ఉంటుంది. వకీల్ సాబ్ నే తీసుకుంటే.. మొదటి పోస్టర్ వచ్చినప్పుడే పాలాభిషేకాలు చేసేశారు. మోషన్ టీజర్, ట్రైలర్ కి పూనకాలే వచ్చేశాయి. ఇక సినిమా రిలీజ్ కైతే కటౌట్లకు హారతులు పట్టేశారు.. కొబ్బరికాయలు కొట్టేశారు..
మొత్తంగా పవన్ కు పూజలే చేసేశారు. ప్రస్తుతం ధియేటర్లలో సూపర్ సక్సెస్ రేట్ తో సందడి చేస్తోంది సినిమా. అయితే.. హీరోలకు ఒక్కోసారి నెల, తేదీల ప్రకారంగా సినిమా రిలీజ్ సెంటిమెంట్లు ఉంటాయి. అటువంటి సెంటిమెంట్ పరంగా చూస్తే పవన్ కు ఏప్రిల్ నెల లక్కీ అని చెప్పాలి. కొన్ని ఫ్లాపులున్నా కానీ.. సక్సెస్ రేట్ ఎక్కువగా ఉంది.
పవన్ కల్యాణ్ కెరీర్ ఈ ఏడాదికి 25 ఏళ్లు పూర్తవుతాయి. ఇన్నేళ్లలో చేసింది 26 సినిమాలు. వీటిలో 7 సినిమాలు ఏప్రిల్ నెలలో విడుదలయ్యాయి. వీటిలో నాలుగు ఇండస్ట్రీ హిట్, బ్లాక్ బస్టర్, సూపర్ హిట్, ఫ్లాప్, డిజాస్టర్లు కూడా ఉన్నాయి. 2000 ఏప్రిల్ 20న విడుదలైన ‘బద్రి’ బ్లాక్ బస్టర్ హిట్ అయింది. పూరి జగన్నాధ్ కు ఇది మొదటి సినిమా. 2001లో ఏప్రిల్ 27న ‘ఖుషి’ విడుదలైంది. ఆ సినిమా తెలుగు సినిమా రికార్డులను తిరగరాసి ఇండస్ట్రీ హిట్ సాధించింది. ప్రేమకథతో ఇండస్ట్రీ హిట్ కొట్టడం ఓ సంచలనం. 2003 ఏప్రిల్ 25న ‘జానీ’ విడుదలైంది. భారీ అంచనాలతో వచ్చిన ఈ సినిమా పవన్ కెరీర్లోనే ఓ డిజాస్టర్.
2008 ఏప్రిల్ 2న ‘జల్సా’ విడుదలైంది. ఏడేళ్ల వరుస ప్లాపుల తర్వాత పవన్ కు దక్కిన సూపర్ డూపర్ హిట్ ఈ సనిమా. 2011 ఏప్రిల్ 14న ‘తీన్ మార్’ విడుదలైంది. ఈ సినిమా ఫ్లాప్ అయింది. 2016 ఏప్రిల్ 8న సర్దార్ గబ్బర్ సింగ్ విడుదలైంది. ఈ సినిమా కూడా పవన్ కు మరో డిజాస్టర్ అయింది. 2021 ఏప్రిల్ 9న ‘వకీల్ సాబ్’ విడుదలైంది. ప్రస్తుతం ధియేటర్లలో సక్సెస్ ఫుల్ గా రన్ అవుతోంది. పవన్ కెరీర్లో మరో బ్లాక్ బస్టర్ హిట్ గా నిలిచింది. పవన్ ఇలాంటి సెంటిమెంట్లు పట్టించుకోకున్నా ఆయన కెరీర్లో ఏప్రిల్ నెలలో మెజారిటీ హిట్లే ఉన్నాయని చెప్పాలి.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?