అప్పట్లో పవన్ కళ్యాణ్ తో “అత్తారింటికి దారేది” సినిమాలో హీరోయిన్ గా చేసిన ప్రణీత ప్రస్తుతం బయట సేవా కార్యక్రమాల్లో బిజీగా ఉంది. ఇదే విషయాన్ని స్వయంగా సోషల్ మీడియా ద్వారా తెలిపింది. మేటర్ లోకి వెళ్తే ఇటీవల కేంద్ర ప్రభుత్వం అయోధ్య రామమందిర నిర్మాణానికి శ్రీకారం చుట్టిన సంగతి తెలిసిందే. స్వయంగా భారత ప్రధానమంత్రి నరేంద్ర మోడీ శంకుస్థాపన చేయడం జరిగింది.
ఈ నేపథ్యంలో దేవాలయ నిర్మాణంలో ప్రతి ఒక్కరూ భాగస్వాములు కావాలని.. మందిర నిర్మాణానికి చేపడుతున్న రామ మందిర్ ట్రస్టు సభ్యులు పిలుపునివ్వటమే కాక విరాళాలు సేకరిస్తున్నారు. ఈ క్రమంలో చాలా మంది ప్రముఖులు మందిర నిర్మాణానికి విరాళాలు ప్రకటించడం జరిగింది. తాజాగా హీరోయిన్ ప్రణీత కూడా తన వంతు విరాళాన్ని ప్రకటించినట్లు సోషల్ మీడియాలో తెలిపింది.
దాదాపు లక్ష రూపాయలు మందిర నిర్మాణం కోసం విరాళంగా ప్రకటించినట్లు స్పష్టం చేసింది. ప్రణీత ఇప్పుడు మాత్రమే కకా గతంలో కరోనా లాక్ డౌన్ సమయం లో కూడా అనేక సహాయ కార్యక్రమాలు చేపట్టి ఎంతో మందికి తనవంతు సహాయాన్ని అందజేసి అండగా నిలబడటం జరిగింది. తాజాగా రామ మందిరానికి కూడా ఈమె విరాళాలు అందించడంతో.. ప్రణిత ఫ్యాన్స్ ఫుల్ హ్యాపీగా ఉన్నారు. సేవా కార్యక్రమాలు కాదు సినిమాలు కూడా ఎక్కువ చేయాలని మరికొంతమంది ఈమె సోషల్ మీడియా లో పెట్టిన పోస్ట్ కి కామెంట్లు పెడుతున్నారు.
