Pawan Kalyan : మొదటి చిత్రం అయినటువంటి ‘అయ్యారే’తోనే మంచి పేరు తెచ్చుకున్న డైరెక్టర్ సాగర్ కె చంద్ర. దాని తరువాత ‘అప్పట్లో ఒకడుండేవాడు’ మూవీ వసూళ్ల పరంగా నిరాశ పరిచినా, క్రిటిక్స్ మెచ్చుకున్నారు. అయితే దర్శకుడిగా బ్రేక్ రావడానికి మాత్రం అతడికి దాదాపు ఓ దశాబ్దం పట్టింది. అవును.. పవర్ స్టార్ ‘భీమ్లానాయక్’ చిత్రాన్ని తెరకెక్కించే అరుదైన అవకాశం దక్కించుకొని దాన్ని సరిగ్గా సద్వినియోగం చేసుకున్నాడు సాగర్. సినిమా బ్లాక్ బస్టర్ హిట్టవ్వడంతో ఇక మనోడు తిరిగి వెనక్కి చూసుకోవలసిన అవసరం లేకుండా పోయింది.
సాగర్ ప్రస్తుత పరిస్థితి:
ఈ సినిమా హిట్ అవడంతో మనోడికి టాలీవుడ్ బడా నిర్మాతల నుంచి వరుస ఆఫర్స్ వస్తున్నాయి. ఆల్రెడీ ఏకే ఎంటర్ టైన్ మెంట్స్ బ్యానర్ లో సాగర్ కె చంద్ర దర్శకత్వంలో ఒక సినిమా సెట్స్ పైకి వెళ్ళబోతోంది. త్వరలోనే సినిమాని అధికారికంగా ప్రకటించబోతున్నారు. ఇందులో ఓ స్టార్ హీరో నటించబోతున్నట్టు తెలుస్తోంది. ఇక దీంతో పాటు సాగర్ మరో సినిమాకి కూడా కమిట్ అయినట్టు టాలీవుడ్లో గుసగుసలు వినబడుతున్నాయి.
మనోడు జాక్ పాట్ కొట్టాడు?
భవ్య క్రియేషన్స్ బ్యానర్ పై ఓ బడా సినిమాను సాగర్ కె చంద్ర డైరెక్ట్ చేయబోతున్నాడట. త్వరలో ఈ ప్రాజెక్ట్ వివరాలు కూడా అధికారికంగా వెల్లడించబడతాయి. ఇక ఇందులో హీరో ఎవరనేది కూడా అప్పుడే తెలియనుంది. మొత్తానికి దాదాపు ఓ దశాబ్దంగా సరైన బ్రేక్ కోసం ఎదురు చూస్తున్న సాగర్ కె చంద్ర కెరీర్ ను పవర్ స్టార్ ‘భీమ్లానాయక్’ చిత్రం సరికొత్త మలుపు తిప్పడం విశేషం. ఇక ఈ ఆఫర్స్ ను అతడు ఇంకే రేంజ్ లో సద్వినియోగం చేసుకుంటాడో కాలమే నిర్ణయిస్తుంది.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?