Pawan Kalyan: పవర్ స్టార్ పవన్ కళ్యాణ్ ని స్క్రీన్ మీద చూడడానికి ఆయన అభిమానులు ఎంతగానో నిరీక్షిస్తున్నారు. పవన్ నటించిన ‘వకీల్ సాబ్’ త్వరలో ప్రేక్షకుల ముందుకు రానున్నది. ఈ సినిమా తరువాత పవన్ కళ్యాణ్ డైరెక్టర్ క్రిష్ దర్శకత్వంలో నటిస్తున్నారు. ఇవే కాకుండా పవన్ ఇంకొక మూడు సినిమాలకు కమిట్ అయిన విషయం మనకి తెలిసిందే. ఓ వైపు రాజకీయంగా ముందుకు వెళ్తూనే మరో వైపు సినిమాలతో పవన్ కళ్యాణ్ చాలా బిజీ గా ఉన్నారు. త్రివిక్రమ్ శ్రీనివాస్ దర్శకత్వంలో తెరకెక్కిన అజ్ఞాతవాసి సినిమా తరువాత ఇన్ని సంవత్సరాల గ్యాప్ తరువాత మళ్ళి పవన్ వకీల్ సాబ్ సినిమాతో ప్రేక్షకుల ముందుకు రానున్నారు. తాజా సమాచారం ప్రకారం పవన్ కళ్యాణ్ త్వరలో సరికొత్త లుక్ లో కనిపించనున్నారు.
క్రిష్ జాగర్లమూడి దర్శకత్వం వహిస్తున్న సినిమా హిస్టారికల్ బ్యాక్ డ్రాప్ అవ్వడం వలన లుక్ మరియు ఫిట్నెస్ లో కూడా సరికొత్త గా కనిపించడానికి పవన్ జిమ్ లో కసరత్తులు చేస్తున్నారు. ఇందుకోసం ఆయన ఓ స్పెషల్ ట్రైనర్ ను కూడా నియమించుకున్నారట. అయితే ఇప్పటి వరకు పవన్ కళ్యాణ్ జిమ్ ఫొటోస్ ఏవి బయటకు రాకుండా చిత్ర సిబ్బంది చాలా జాగ్రత్త పడిందనే చెప్పాలి. ఈ సినిమా టైటిల్ కు సంబంధించి ఇప్పటికే ఎన్నో వార్తలు వచ్చాయి. కానీ ఏ వార్త వెనుక అధికారిక ప్రకటన లేదు.
త్వరలోనే పవన్ కళ్యాణ్ అభిమానులకు ఈ చిత్ర బృందం ఒక స్పెషల్ అప్డేట్ ఇవ్వనున్నట్లు సినీ వర్గాలలో టాక్ వినిపిస్తుంది. అది ఏంటో తెలుసుకోవాలంటే ఇంకొంత కాలం నిరీక్షించక తప్పదు మరి..
