Pawan kalyan : పవన్ కళ్యాణ్ – బండ్ల గణేష్ కాంబినేషన్ లో ఒక భారీ బడ్జెట్ సినిమా ని ఇంతక ముందే ప్రకటించిన సంగతి తెలిసిందే. వకీల్ సాబ్ సినిమా ని కంప్లీట్ చేసిన పవన్ కళ్యాణ్ ప్రస్తుతం రెండు సినిమాలని సమాంతరంగా చేస్తున్నాడు. ‘అయ్యప్పనుమ్ కోషియం’ సినిమా రీమేక్ లో నటిస్తుండగా ఈ సినిమాకి యంగ్ డైరెక్టర్ సాగర్ కె చంద్ర దర్శకత్వం వహిస్తున్నాడు. ఈ సినిమాలో పవన్ కళ్యాణ్ పోలీస్ గా నటిస్తుండగా పవన్ కి ఆపోజిట్ గా రానాదగ్గుబాటి నటిస్తున్నాడు. ఇక ఈ సినిమాకి మాటల మాంత్రీకుడు త్రివిక్రం శ్రీనివాస్ స్క్రీన్ ప్లే, డైలాగ్స్ అందిస్తున్నాడు.
ఇక ఈ సినిమాతో పాటే క్రిష్ దర్శకత్వంలో ఒక సినిమా చేస్తున్నాడు. ప్రముఖ నిర్మాత ఏ.ఎం.రత్నం భారీ బడ్జెట్ తో ఈ సినిమాని నిర్మిస్తున్నాడు. పీరియాడికల్ బ్యాక్ డ్రాప్ లో ఈ సినిమా తెరకెక్కుతుండగా హరి హర వీరమల్లు అన్న టైటిల్ పరిశీలనలో ఉందని ప్రచారం జరుగుతోంది. కాగా ఈ సినిమాలో ఇస్మార్ట్ బ్యూటి నిధి అగర్వాల్, బాలీవుడ్ బ్యూటీ జాక్విలిన్ ఫెర్నాండస్ హీరోయిన్స్ గా నటిస్తున్నరని ప్రచారం జరుగుతోంది. ఇక ఈ సినిమాలో పవన్ కళ్యాణ్ ని ఇప్పటి వరకు చూడని విధంగా క్రిష్ చూపించబోతున్నాడని తెలుస్తోంది.
Pawan kalyan : పవన్ కళ్యాణ్ ప్రాజెక్ట్ కి దర్శకుడిగా పూరి జగన్నాధ్..?
కాగా పవన్ కళ్యాణ్ కమిటయిన ప్రాజెక్ట్ లో భక్తుడు బండ్ల గణేష్ నిర్మాణంలో రూపొందే సినిమా కూడా ఒకటి ఉన్న సంగతి తెలిసిందే. ఇంతక ముందు బండ్ల గణేష్ పవన్ కళ్యాణ్ తో తీన్ మార్, గబ్బర్ సింగ్ సినిమాలు తీశాడు. గబ్బర్ సింగ్ ఇండస్ట్రీ హిట్ గా నిలిచింది. కాగా ఇప్పుడు ఈ కాంబినేషన్ లో తెరకెక్కే సినిమాకి డేరింగ్ అండ్ డాషింగ్ డైరెక్టర్ పూరి జగన్నాధ్ దర్శకుడిగా ఫైనల్ అయినట్టు లేటెస్ట్ అప్డేట్. పూరి జగన్నాధ్ తో బండ్ల గణేష్ ఇద్దరమ్మాయిలతో, టెంపర్ సినిమాలు నిర్మించి హిట్ కొట్టాడు. దాంతో మరోసారి బండ్ల గణేష్ పవన్ కళ్యాణ్ ప్రాజెక్ట్ కి దర్శకుడిగా పూరి ని తీసుకురాబోతున్నట్టు సమాచారం.