పవన్ కళ్యాణ్ వర్సెస్ ప్రభాస్.. ప్రస్తుతం టాలీవుడ్ లో ఉత్కఠభరితమైన పరిస్థితులు నెలకొనబోతున్నాయా .. అవుననే సమాధానం వినిపిస్తోంది. పవన్ కళ్యాణ్ రీ ఎంట్రీ మూవీ వకీల్ సాబ్ అలాగే డార్లింగ్ ప్రభాస్ నటిస్తున్న రాధే శ్యామ్ సినిమాలు రెండు షూటింగ్ కంప్లీట్ చేసుకొని పోస్ట్ ప్రొడక్షన్స్ కార్యక్రమాలని జరుపుకుంటున్నాయి. ఈ నేపథ్యంలో ఇప్పుడు పవన్ కళ్యాణ్ .. ప్రభాస్ ల మధ్య పోటీ వాతావరణం నెలకొంటుందని అంటున్నారు. ఇప్పటి వరకు పవన్ కళ్యాణ్ నటించిన వకీల్ సాబ్ నుంచి అలాగే ప్రభాస్ రాధే శ్యామ్ నుంచి ఫస్ట్ లుక్ పోస్టర్స్ మాత్రమే వచ్చాయి.
కాగా ఒకవైపు పవన్ కళ్యాణ్ ఫ్యాన్స్ మరొక వైపు ప్రభాస్ ఫ్యాన్స్ గత కొన్ని నెలలుగా టీజర్స్ కోసం ఎంతగానో ఎదురు చూస్తున్నారు. ఎప్పటికప్పుడు వకీల్ సాబ్ – రాధే శ్యాం సినిమాల నుంచి టీజర్ వస్తున్నాయని వార్తలు వస్తున్నాయి గాని.. మేకర్స్ మాత్రం డిసప్పాయింట్ చేస్తున్నారు. అయితే ఈ సారి ఆ డిసప్పాయింట్మెంట్ ఉండదని తెలుస్తోంది. పవన్ కళ్యాణ్ వర్సెస్ ప్రభాస్ అన్న రేంజ్ లో న్యూ ఇయర్ సందర్భంగా జనవరి 1 వ తేదీన వకీల్ సాబ్ నుంచి టీజర్ ని రీలీజ్ చేయబోతుండగా అదే రోజు ప్రభాస్ రాధే శ్యాం సినిమా నుంచి కూడా టీజర్ రాబోతోందని సమాచారం.
అయితే ఈ విషయంలో ఇంకా క్లారిటీ రానప్పటికి జనవరి 1 2021 న మాత్రం ఈ ఇద్దరు స్టార్ హీరోలు భారీ సర్ప్రైజ్ ప్లాన్ చేసినట్టు ఫిల్మ్ నగర్ లో చెప్పుకుంటున్నారు. ఒకవేళ జనవరి 1 న మిస్ అయితే ఖచ్చితంగా సంక్రాంతి పండుగ రోజు మాత్రం పక్కా వకీల్ సాబ్, రాధే శ్యాం టీజర్స్ వదలబోతున్నారట. చూడాలి ఈ పోటీ కేవలం టీజర్ కి మాత్రమే ఉంటుందా లేక సినిమాల రిలీజ్ విషయం లో కూడా ఉంటుందా. కరోనా నుంచి కాస్త పరిస్థితులు చక్కబడుతుండటం తో బాక్సాఫీస్ వద్ద సందడి భారీ స్థాయిలో ఉండేలా కనిపిస్తోందని అంటున్నారు.