Pawan kalyan : పవర్ స్టార్ పవన్ కళ్యాణ్ – రానా దగ్గుబాటి నటిస్తున్న లేటెస్ట్ సినిమా అయ్యప్పనుం కోషియం తెలుగు రీమేక్. సాగర్ కె చంద్ర దర్శకత్వంలో రూపొందుతున్న ఈ సినిమా ఇటీవలే షూటింగ్ మొదలై శరవేగంగా చిత్రీకరణ సాగుతోంది. సెట్‌లో తాజాగా పవన్ కళ్యాణ్ జాయిన్ అయ్యాడు. మరోసారి పోలీస్ పాత్రలో కనిపిస్తున్నాడు. అయితే ఇన్నాళ్ళు ఇందులో మేకోవర్ ఎలా ఉంటుందో మేకర్స్ రిలీజ్ చేయలేదు. అయితే తాజాగా ఏకే రీమేక్ నుంచి మేకింగ్ వీడియోను రిలీజ్ చేసి సర్‌ప్రైజ్ చేసింది చిత్ర బృందం. ఇందులో పవన్ కళ్యాణ్ లుక్ రివీల్ చేయడం అందరీకి ఆనందాన్ని కలిగిస్తోంది.
అయితే తాజాగా రిలీజ్ చేసిన వీడియోలో 2022 సంక్రాంతి పండుగ సందర్భంగా ఏకే రీమేక్ రిలీజ్ చేస్తున్నట్టు ప్రకటించారు. ఇక ఈ సినిమాలో ‘భీమ్లా నాయక్’ అనే పవర్‌ఫుల్ పోలీస్ పాత్రలో నటిస్తున్నాడు. ఈ మూవీకి త్రివిక్రమ్ శ్రీనివాస్ స్క్రీన్ ప్లే – డైలాగ్స్ అందిస్తుండటం విశేషం. అయితే ఇప్పుడు 2022 సంక్రాంతికి బిగ్ ఫైట్ ఉండబోతోంది. అది కూడా పవర్ స్టార్ పవన్ కళ్యాణ్ – సూపర్ స్టార్ మహేష్ బాబుల మధ్య. మహేష్ బాబు ప్రస్తుతం సర్కారు వారి పాట సినిమా చేస్తున్నాడు. పరశురాం ఈ సినిమాకి దర్శకత్వం వహిస్తున్నాడు. కీర్తి సురేష్ ఈ సినిమాలో హీరోయిన్‌గా నటిస్తుండగా ఎస్ ఎస్ థమన్ సంగీతం అందిస్తున్నాడు.
Pawan kalyan : పవర్ స్టార్, సూపర్ స్టార్ లలో 2022 సంక్రాంతి బాక్సాఫీస్ విన్నర్ ఎవరో.
అయితే సర్కారు వారి పాట సినిమాను 2022 సంక్రాంతికి రిలీజ్ చేస్తున్నట్టు ఎప్పుడో ప్రకటించారు. అయితే ఆ సమయానికి పవన్ కళ్యాణ్ ఏకే రీమేక్ ని బరిలో దించుతున్నాడు. ఇక ఈ సినిమాలో పవన్ కి జంటగా నిత్యామీనన్, రానాకు జంటగా ఐశ్వర్య రాజేష్ నటిస్తున్నారు. ప్రముఖ నిర్మాణ సంస్థ సితార ఎంటర్టైన్మెంట్స్ బ్యానర్ పై ప్రొడక్షన్ నెం.12 గా, సూర్యదేవర నాగవంశీ ప్రతిష్టాత్మకంగా నిర్మిస్తున్నారు. ఇంతకముందు పవన్ కళ్యాణ్ – మహేష్ బాబు నాలుగు సార్లు పోటీ పడ్డారు. అయితే ఒకేరోజు పోటీకి సిద్దమవడం మాత్రం ఇదే మొదటిసారి. చూడాలి మరి పవర్ స్టార్, సూపర్ స్టార్ లలో 2022 సంక్రాంతి బాక్సాఫీస్ విన్నర్ ఎవరో.
