చక్కని ఆరోగ్యం కావాలన్నా ,దృఢమైన శరీరం పొందాలన్నసంప్రదాయ ఆహారమేమంచిది అంటున్నారు ఆహార నిపుణులు.అలాంటి వంటకాల్లో ‘మినుప పాయసం’ ఒకటి.ఈ మినప పాయసంలో పొట్టుమినపప్పు,బెల్లం,నెయ్య,బాదం వాడతారు. ఈ పదార్ధాల వలన ఎలాంటి ప్రయోజనాలు ఉన్నాయో,తయారు విధానం ఏమిటో తెలుగుకుందాం.
ప్రొటీన్లు, పీచు పదార్థాలు,పిండి పదార్థాలు, మెగ్నీషియం, క్యాల్షియం, ఫాస్ఫరస్‌, పొటాషియం ఐరన్‌,, సోడియం, జింక్‌ వంటి ఖనిజ లవణాలు మినుముల్లో ఉంటాయి. మినుములను క్రమం తప్పకుండా తీసుకోవడంవలన విటమిన్‌-సి, బి1, బి2, బి3, బి6, విటమిన్‌-ఇ, విటమిన్‌-కె వంటివి శరీరానికి అందుతాయి.కండరాల బలానికి మినుములు బాగా ఉపయోగ పడతాయి. ఎదిగే పిల్లలకు ఇది మంచి ఆహారం. పెద్దల్లోగుండె ఆరోగ్యనికి ,రక్తహీనత నివారణకు, మంచి ఔషదంగా దీన్ని చెప్పవచ్చు. ఇవి జీర్ణాశయాన్ని ఆరోగ్యంగా ఉంచుతాయి.
బెల్లం రుచిని పెంచేలా చేయడం తో పాటు ఆరోగ్యానికి మేలు చేస్తుంది. బెల్లంలో ఉండే ఐరన్‌ రక్తంలో హిమోగ్లోబిన్‌ శాతం తగ్గకుండా చూస్తుంది. నెయ్యి పాయసానికి మరింత రుచిని పెంచుతుంది. నెయ్యి మితంగా వాడితే ఆరోగ్యన్నీ ఇస్తుంది. దీనివల్ల జీర్ణక్రియ వేగంగా జరుగుతుంది . జ్ఞాపకశక్తి పెంచడం తో పాటు సౌందర్యాన్ని పెంచే శక్తి కూడా ఈ నెయ్యికి ఉంది. నెయ్యి తినడం వలన ముఖం కాంతిమంతంగా తయారవుతుంది . ఇందులో బాదాం వేస్తాం.. బాదం వల్ల మెదడు చురుగ్గా ఉంటుంది. ఇందులోఉండే పీచు పదార్థాలు శరీరానికి మంచి ఔషధాలు. బాదంలో ఉండే ఒమేగా ఫ్యాటీ ఆమ్లాలు చెడు కొవ్వును ను తగ్గిస్తాయి. ఇన్‌ఫెక్షన్లను దూరం చేస్తాయి.
తయారు విధానం తెలుసుకుందాం. ముందుగా కావాల్సినంత పొట్టు మినపప్పును తీసుకుని దాన్ని నీటితో బాగా కడగాలి. ఆ పప్పును అరగంటకు పైగా నానబెట్టాలి. తర్వాత నీటిలో నానిన పప్పును కుక్కర్‌ లేదా వంట పాత్రలో సరిపడా నీరు పోసి ఉడికించాలి. తర్వాత బెల్లం తురిమి అందులో వేసి ,ఈ మిశ్రమాన్ని పది నిమిషాల పాటు ఉడికించాలి. అప్పడు పప్పు పూర్తి చిక్కగా మారుతుంది. వెంటనే స్టౌ మీది నుంచి దించి, కాస్త చల్లారాక రుచిని బట్టి నెయ్యి, జీడిపప్పు, బాదం, కొబ్బరి పైన వేసుకోవచ్చు.
