Beer: సందర్భం ఏదైనా తాగడానికి మాత్రం మందు కంపల్సరీ అంటున్నారు ఆ దేశ ప్రజలు. ఆ దేశం లోని ప్రజలు ప్రతి వత్సరం ఏకంగా కొన్ని లక్షల రూపాయలు బీర్లు కొనడానికి వెచ్చిస్తున్నారంటే నమ్ముతారా? అవును…. ఆ దేశంలో ప్రజలు బీరు షాపుల ముందు బారులు తీరి ఉంటారు. అక్కడ ప్రతి మనిషి సంవత్సరానికి 411 లీటర్ల బీర్లు తాగుతున్నారంటే అక్కడి ప్రజలకు బీర్లపై ఎంత ఇష్టం ఉందొ అర్ధం అవుతుంది. ఇటీవల వరల్డ్ బీర్ ఇండెక్స్ విడుదల చేసిన సమాచారం ప్రకారం ప్రపంచంలో అత్యధికంగా బీర్లు జర్మనీ ప్రజలు తాగుతున్నారని తెలుస్తోంది.
సాధారణంగా వరల్డ్ బీర్ ఇండెక్స్, ఏ ఏ దేశాలలో ప్రజలు ఎక్కువగా బీర్లు తాగుతున్నారు? సంవత్సరానికి దానికోసం ఆయా దేశ ప్రజలు ఎంత ఖర్చు చేస్తున్నారు? వంటి విషయాలపై సర్వే చేస్తూ ఉంటుంది. అటువంటి ఓ సర్వే నుంచి వెలువడిన ఒక విషయం ఇపుడు సోషల్ మీడియా లో హాట్ టాపిక్ గా మారింది. అదే ఎవ్వరూ ఊహించని విధంగా జర్మనీ బీర్ల కొనుగోలులో టాప్ లో ఉండడం. అయితే ఈ నివేదిక ప్రకారం ప్రపంచ దేశాలతో పోలిస్తే జర్మనీ లోని ప్రజలే బీర్లు తాగడానికి అత్యధికంగా ఖర్చు చేస్తున్నారట. సంవత్సరానికి ఇక్కడికి ప్రజలు కేవలం బీర్ల కొనుగోలు చెయ్యడానికే $1907 ను వెచ్చిస్తున్నారట. అది భారతీయ కరెన్సీలో రూ. 1,38,330. జర్మనీ లోని ప్రజలు సంవత్సరానికి 411 లీటర్ల బీర్లను తాగుతున్నారట.
ఇదిలా ఉండగా ప్రపంచ వ్యాప్తంగా దక్షిణాఫ్రికా లో బీర్ల రేట్లు చవకగా ఉంటాయట. అలాగే బీర్ ధర అధికంగా ఖతార్ లో ఉన్నట్లు తెలుస్తోంది.