Overeating: ఎక్కువగా తిన్నాం
విందుభోజనాలు,బిర్యానీలు, పిజ్జాలు, బర్గర్లు , నాన్ వెజ్ ఐటమ్స్ ( Non Veg Items) తో పొట్ట బాగా నిండి పొతే ఇబ్బంది పడుతుంటారు. అసౌకర్యంగా కూడా అనిపిస్తుంటుంది. అలాంటి పరిస్థితి ఎదురైనప్పుడు వెంటనే ఆ భారం అంతా తగ్గి తేలికగా అనుభూతి చెందేందుకు కొన్ని చిట్కాలు మీ కోసం. బ్రేక్ ఫాస్ట్ ,లంచ్ లేక డిన్నర్ ఏదైనా ఎక్కువగా తిన్నాం అని అనిపిస్తే కచ్చితంగా కాసేపు నడవడం మంచిది. అలా పది నిమిషాల పాటూ నడిస్తే పొట్టలో అసౌకర్యంగా అనిపించడం తగ్గుతుంది. భోజనంతో పాటూ మనం కాస్త గాలిని కూడా మింగేస్తుంటాం.నడవడం తో అది కూడా బయటికి వచ్చేస్తుంది. కేవలం వాకింగ్ ( Walking ) మాత్రమే చేయండి జాగింగ్ చేయకండి.
Overeating: మెల్లగా
శరీరంలో ఉన్న అదనపు సోడియంను బయటికి పంపేందుకు డిటాక్సిఫికేషన్ అనేది చాలా అవసరం. మంచి డిటాక్స్ వాటర్ ఏదైనా ఉంది అంటే అది ‘నిమ్మనీరు అని గుర్తుంచుకోవాలి. ఒక కప్పు గోరువెచ్చగా ఉన్న నీటిలో కొన్ని చుక్కల నిమ్మరసం వేసి , చిటికెడు నల్ల మిరియాల పొడి కూడా వేసి కలిపి ఆ నీటిని ఒకేసారి తాగేయకుండా మెల్లగా సిప్ చేస్తూ తాగితే మంచి ఫలితం ఉంటుంది. భోజనం తరువాత జీరా టీ, సోంపు టీ, లెమన్ గ్రాస్ టీ తాగినా మంచిదే.
భోజనం చేశాక కూర్చోవడం
భుక్తాయాసంతో ఉన్నప్పుడు మంచంపై కి మాత్రం చేరకూడదు,నిద్రపోకూడదు. అలా చేయడం అస్సలు మంచి పద్ధతి కానే కాదు. ఇలా చేస్తే యాసిడ్ రిఫ్లెక్స్ అయి వికారంగా అనిపిస్తుంటుంది. కాబట్టి భోజనం చేశాక కూర్చోవడం కానీ కాసేపు నడవడం కానీ చేయడం అనేది ఉత్తమం.