Munnar : మున్నార్లో 97 చదరపు కిలోమీటర్ల విస్తీర్ణం లో ఎరవికులం నేషనల్ పార్క్ ఉంటుంది. ఏటా ఇక్కడి వైల్డ్ లైఫ్ సఫారి కోసం ఎంతో మంది పర్యాటకులు వస్తుంటారు. అనేక రకాల జీవవైవిధ్యం ఉన్న ప్రాణులకు ఈ పార్కు నిలయంగా ఉంది. మున్నార్ లో చూడదగిన ప్రదేశాల్లో ఇదొక అద్భుతమనే చెప్పాలి.
కార్మెలగిరి లో ఉన్న ఏనుగుల పార్క్ మున్నార్ దగ్గర చాలా ప్రఖ్యాతిగాంచింది. దట్టమైన అడవుల్లో ఉండే ఏనుగులను చూస్తూ విహారం సాగించవచ్చు.
శిఖర రైడ్ అనేది కుందల సరస్సులో పర్యాటకులకు అందుబాటులో ఉంది. పచ్చని కొండచరియలు, దట్టమైన చెట్ల తో ఉన్న అరణ్యం మధ్యలోగాఢమైన చీకట్లో ఈ రైడ్ సాగుతుంది. సాహసికులు ఇక్కడ గొప్ప అనుభూతి పొందవచ్చు.
మున్నార్లోని కొలుక్కుమలై టీ ప్లాయిటేషన్ చక్కని ప్రకృతి అందానికి అద్దం పడుతుంటుంది. ఇక్కడి కొండచరియలపై ఉండే తేయాకు తోటలు పర్యాటకుల చూపును కట్టిపడేస్తాయి. అంత అందం గా ఉంటుంది ఆ ప్రాంతం.
మున్నార్ లో టీ మ్యూజియం కూడా ఉంది. 2005 లో దీన్ని ప్రారంభించారు. ఇందులో టీ తయారీ గురించి పర్యాటకులు వివరం గా తెలుసుకోవచ్చు. అలాగే పలు భిన్నమైన రకాలకు చెందిన టీ రుచులను కూడా ఇక్కడ తెలుసుకునే అవకాశం కలుగుతుంది.
మున్నార్లో రాక్ క్లైంబింగ్ కూడా చాలాప్రముఖమయినది. ఇక్కడి కి వచ్చే అనేక మంది పర్యాటకులు పచ్చని కొండచరియలపైకి ట్రెక్కింగ్ చేస్తారు. సాహసం తో కూడిన యాత్రలు చేస్తారు. కాబట్టి మున్నార్ వెళ్లాలనుకుంటే మాత్రం వీటిని తప్పకుండ చూసి ఆనందించి ఎన్నో అనుభూతులను అనుభవాలను మీతో తెచ్చుకోండి.