PM Modi: నిరుద్యోగు యువతకు మోడీ సర్కార్ గుడ్ న్యూస్ చెప్పింది. దేశ వ్యాప్తంగా ప్రభుత్వ శాఖలు, విభాగాల్లో లక్షల సంఖ్యలో ఖాళీలను ఉన్న ఉద్యోగాలను ఏళ్ల తరబడి భర్తీ చేయడం లేదు. దీంతో దేశంలోని నిరుద్యోగ సమస్యపై విపక్షాలు తరచూ ప్రభుత్వంపై విమర్శలు గుప్పిస్తున్నాయి. మరో పక్క స్వపక్షానికి చెందిన పార్లమెంట్ సభ్యుడు వరుణ్ గాంధీ కూడా మోడీ సర్కార్ ను విమర్శించారు. మూడు దశాబ్దాల్లోనే నిరుద్యోగం గరిష్ఠ స్థాయికి చేరుకుందనీ, ప్రభుత్వ లెక్కల ప్రకారమే దేశంలో 60 లక్షల మంజూరైన పోస్టులు ఖాళీగా ఉన్నాయని వరుణ్ గాంధీ పేర్కొన్నారు. ఈ తరుణంలో ప్రధాన మంత్రి నరేంద్ర మోడీ కీలక నిర్ణయం తీసుకున్నారు. దేశ వ్యాప్తంగా ప్రభుత్వ శాఖల్లోని ఖాళీలను భర్తీకి ఆదేశాలు జారీ చేశారు ప్రధాన మంత్రి నరేంద్ర మోడీ. వచ్చే ఏడాదిన్నర కాలంలో పది లక్షల నియామకాలను యుద్ధ ప్రాతిపదికన చేపట్టాలని అధికారులకు సూచించారు ఈ మేరకు ప్రధాన మంత్రి కార్యాలయం (పీఎంఓ) మంగళవారం ట్వీట్ చేసింది. కేంద్ర ప్రభుత్వం పరిధిలోని శాఖల్లోని ఖాళీలపై ప్రధాన మంత్రి నరేంద్ర మోడీ సమీక్షించిన అనంతరం ఈ మేరకు నిర్ణయం తీసుకుని ఆదేశాలు జారీ చేశారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
మోడీ కీలక ఆదేశాలపై బీజేపీ ఎంపీ వరుణ్ గాంధీ స్పందించారు. ఈ సందర్భంగా మోడీకి కృతజ్ఞతలు తెలియజేస్తూనే కేంద్రం ఇచ్చిన హామీలను మరో సారి గుర్తు చేశారు వరుణ్ గాంధీ. నిరుద్యోగ యువత బాధను అర్ధం చేసుకున్నందుకు ప్రధాని మోడీకి కృతజ్ఞతలు అంటూ కొత్త ఉద్యోగాల కల్పనతో పాటుగా మంజురై ఖాళీ గా ఉన్న కోటికి పైగా నియామకాలను భర్తి చేయాలని కోరారు. ప్రతి ఏటా రెండు కోట్ల ఉద్యోగాలు కల్పిస్తామంటూ గతంలో ఇచ్చిన హామీని నిలబెట్టుకునేందుకు వేగవంతంగా చర్యలు తీసుకోవాలని వరుణ్ గాంధీ సూచించారు.
